Jyada der tak Air Conditioner mein kyon nahi baithna chahiye? Isse health par kya bura asar padta hain?

Air Conditioner ke nuksan. side-effect of Air conditioner in Hindi/Urdu. Kya aapko maloom hain ki Air Conditioner ke jyada istemal se aap bimar bhi ho sakte hain? Nahi na! to janiye A.C. mein jyada rahne se sehat ko kya-kya nusksan hote hain? side-effects of Air Conditioner uses in Hindi/Urdu.

Kai saare log 7 se 8 hours tak Air conditioners ke kamre mein rahte hain. Ek research yeh batati hain ki A.C. kamre mein ek artificial temperature generate karta hain, jisse aapki body ke parts par bura effect hota hain. Aaiye jante hain Air Conditioner mein rahne se kya-kya side-effects ho sakte hain.

Air Conditioner mein jyada der tak rahne ke nuksaan (Side-effects) :- 


• Allergy hona 

A.C. ke filter lambe waqt tak saaf na karne par, ussay nikalne wali hawaa mein Dhool aur bacteria jyada hote hain, jisse aapko sardi-jukam aur viral infection ke saath allergy bhi bho sakti hain. 


• Blood Circulation bigad sakta hain 

A.C. ki thandi hawaa ki wajah se Blood Nerves sikudne lagti hain. Isse body ka blood circulation kharab ho sakta hain.



•  Thakaan jyada hona 

Air conditioner ka temperature kam rahta hain. Aise mein aapke sharir ko apna temperature maintain karne mein jyada mehnat karni padti hain, Jisse aapko thakaan ho sakti hain.



 Eyes mein problem hona 

Air conditioner ki cool air ke chalte aankhon mein dryness badh jati hain. Isse aankhon mein khujali, paani aana, chubhan hona aur aankhon ka red hona jaisi problems hone lagti hain.


 Sirdard ki problem hona 

Jyada der tak AC mein baithne ki wajah se body ka blood circulation gadbada jata hain. Isse muscles mein khichaav aata hain aur aapko sirdard ki problem bhi ho sakti hain.


 Asthma ki bimari hone ka khatra 

Long time tak A.C. mein rahne ki wajah se aapko Asthma ki bimari hone ke chances kafi jyada badh jate hain. Agar aap sardi-jukam ya dhool ki allergy se preshan rahte hain, toh der tak AC mein baithne se bache. 


 Bechain aur stress hona 

Lagatar Air conditioner ki hawaa khane ki wajah se body ko ek hi temperature ki aadat pad jati hain. Aise mein jab aap thode se garm ya jyada thande mahaul mein jate hain to aapka sharir is changes ko sah nahi paata hain. Aise mein aapko bechaini aur stress feel hone lagti hain.


 Skin Dry hona 

Air Conditioner ki thandi hawaa ke chalte aapke skin ka natural moisturizer kam ho jata hain. Jisse aapki skin dry ho sakti hain, iske alawa skin mein khujali bhi ho sakti hain.


 Joint Pain hona

Air Conditioner se nikalne wali hawa ki wajah se joints ke functions par bura asar padta hain. Jisse gardan, haath, ghutno mein dard aur akadan ki problem ho sakti hain. Aage chal kar yeh Arthritis ki wajah bhi ban sakta hain.



 Sinus ki problem 

Air conditioner ke jyada istemal se aapka  Mocous gland hard ban jata hain. Research ke mutabik jo log 4 ghante se jyada AC mein rahte hain, unhe Sinus ki bimari hone ka khatra sabse jyada hota hain.



Air Conditioner ke bure asar ko kam karne ke liye kya karna chahiye? 


■ Air Conditioner ki hawaa ka exposure direct seer ya aankhon par nahi hona chahiye.

■  Aise kai saare office hain jaha par A.C. mein rahna hi padta hain. Aisi situation mein har ek ya 2 ghante mein 5 se 7 minutes ke liye office ke aise place par jaye jaha A.C. ki cooling na ho.

■ Air Conditioner se nikalne ke baad kabhi bhi direct Dhoop mein nahi jana chahiye.

■ Agar possible ho sake to A.C. ko har ek ghante ya 2 ghante mein kuch time ke liye band kar de.




You May also like :-