Hinglishpedia

 Happy rahne ke 5 useful tips in Hindi/Urdu.
Aaj kal ki life mein koi bhi person hamesha khush nahi rah pata hain. Because Life mein up-down hota hi rahta hain, is wajah se koi bhi person hamesha happy nahi rah sakta hain. Lekin Kuch baaton ka dhyaan rakh kar aap hamesha khush rah sakte hain.

Current Time ke saath khud ko change karne ki koshish kare. Kyonki agar aap badalte waqt ke saath khud ko change nahi kar paate hain to aapko duniya ki har baat preshan kar sakti hain. Dusro par gussa karne ki bajaye khud ko kisi positive work mein involve kare. Agar aap koi Creative kaam karte hain to isse aapko happiness milta hain.

Aaiye jante hain hamesha khush rahne ke liye 5 useful Tips :-


Eat Good & Nutrients Food

Diet Experts yeh mante hain ki hamesha fit rahne ke liye balanced diet leni chahiye. Aapko morning breakfast jaroor karna chahiye. Lunch mein aap Dal, Hari Sabziyan, Salad aadi jaroor khaye. Most important yeh hain ki aap ek baar mein bhar pet khane ki bajaye din mein thoda-thoda karke 4-5 time khaye. Isse aap pure din energetic bane rahte hain. Apni diet mein Fat Free Milk, Dry Fruits, Dahi, Sprouts aadi ko jaroor shamil kare. Iske alawa seasonally fruits ko jaroor khana chahiye, Jaise ki Banana, Orange, Guava aadi. Apni diet mein different types ke beans ko jaroor shamil kare. Iske alawa Kaddu ke beej, Surajmukhi ke beej ko bhi khana chahiye. Isse aapka mind cool rahta hain, aapki bones, nerves aur muscles bhi strong banti hain.

Be punctual

Kisi bhi kaam ko karne ke liye ek time set kare. Time management usi ko kaha jata hain jab aap apna kaam time se pahle kar lete hain. Agar aap office employee hain ya phir housewife hain to apna kaam waqt se pahle nipta le. Agar aap koi time table taiyaar kar lete hain to aap apne sabhi task ko easily finish kar lete hain. Isse time saving hone ke saath hi body mein activeness bhi barkarar rahti hain aur mind bhi sahi rahta hain.

Acchi neend hain jaroori

Agar aap raat ko ek acchi neend nahi lete hain to morning ke time aap khud ko fresh feel nahi kar paate hain. Isliye bed par jaate hi apne mind se sabhi tarah ke tension nikaal de, isse aapko acchi aur gahri neend lene mein asaani hoti hain. Generally ek normal person ko 8 hours ki neend lena bahut hi jaroori hota hain. Vaise to yeh baat alag-alag logo par alag-alag laagoo hoti hain. Agar aap bina kisi alarm ke naturally tarike se subah aapki aankh khul jati hain to aap khud ko jyada fresh feel karte hain. Isse pata chalta hain ki aapko acchi neend lena bahut hi jaroori hota hain. Bed par jaane ke liye aur subah uthne ke liye ek time set karle. Aapke sone wali jagah ka environment ekdam shant hona chahiye.

Think Positive, Be Positive

Kya aapne yeh muhavra suna hain ki jo jaisa sochta hain, vaisa hi ban jata hain. Isliye apne mind mein hamesha positive baaton ke sochiye. Apni soch ko kabhi bhi negative na hone de. Agar aapki tabiyat thodi si kharaab bhi ho jaye to yeh soche ki main theek hoon aur aage aane wale time mein main puri tarah se healthy ho jaaunga. Agar aapke paas koi cheez nahi hain to uske bare mein soch-soch kar dukhi na ho, balki yeh soche ki aapke paas kaun-kaun se cheeze hain, jo dusro ke paas nahi hain.

Apne liye time nikaale

Aapki lifestyle kitni bhi jyada busy kyon na ho, Kuch time apne liye jaroor nikaale. Yeh vah time hona chahiye, jisme kisi bhi tarah ka koi pressure aap par na ho. Is dauran aap apne interest se related koi kaam kare. Aap chahe to apna favorite music sun sakte hain, acchi books read kar sakte hain, apna manpasand koi bhi kaam kar sakte hain. Yeh aapke liye khud ko diya hua ek special gift hoga. Apna favorite kaam ko karne se definitely aapko khushi milegi aur aapna mind excitement se bhar jayega.




 
Top