Hinglishpedia

Tea for Weight loss in Hindi/Urdu.
Wajan kam karna aur bhi mushkil ho jata hain, Jab aap Pizza, Burger, Paneer se bhari Sandwich aur Sharab ka sewan karte hain. Is situation mein apni icchao ko kaaboo mein rakhna aur bhi mushkil hota hain. Saat hi exercise ke jariye extra Weight loss karna bhi behad mushkil hota hain.

Kuch aise hi super food hain jo wajan kam karne mein aapki help karte hain. Vegetable, Phal aur kuch drinks bhi wajan kam karne mein madadgar hote hain. Chai bhi ek aisi hi drink aur liquid hain, Jiska istemal karke asaani se wajan kam kiya ja sakta hain. Aisi kai kism ki chai (Tea) hain jo wajan kam karne mein helpful hoti hain. Saath hi yeh tea sharir ko bhi kai tarah ke fayde pahuchati hain. Chai energy level ko badhati hain aur heart stroke ke khatre ko kam karti hain. Current time mein Chai (Tea) Wajan kam karne ke liye kafi popular ho rahi hain.

Aaj hum aapko batane ja rahe hain aisi chai (Tea) ke bare mein jo wajan kam karne ke liye jani jati hain.

1. Oolong Tea :- Oolong tea fat ko kam karti hain, Fat ko burn karti hain aur body mein cholesterol ki matra ko bhi ghatati hain. Agar aap Oolong tea ka labh lena chahte hain toh ise 20 se 30 minutes tak ubaal le. Wajan kam karne ke liye niyamit roop se iska istemal kare.

2. Green Tea :- Agar aap wajan kam karne ki soch rahe hain toh aapko Subah ke waqt Green Tea jaroor peeni chahiye. Green tea mein kuch aise rasayan paye jate hain jo body ke metabolism ko badha dete hain. Yehi badha hua metabolism sharir ke extra weight ko kam karta hain. Saath hi green Tea mein kuch Anti-Oxidants bhi paye jate hain jo sharir ko detoxify karne mein help karte hain, Detoxification ki wajah se bhi wajan tezi ke saath kam kiya ja sakta hain.

3. Black Tea :- Black Tea (Kali Chai) mein Nimbu mila kar peene se aap bina paseena bahaye aur dieting kiye wajan ko kam kar sakte hain. Black tea sharir mein energy aur stamina ko badhati hain. Saath hi body se toxins ko nikaalne mein madad bhi karti hain.

4. Rose Tea :- Chai banane ke dauran isme gulab ki patti mila kar Rose tea taiyaar ki jati hain. Kabz ki samsya ko door karne ke liye Rose tea kafi faydemand hoti hain. Saath hi rose tea toxins ko nikaalti hain, Skin ko glow karti hain aur wajan kam karne mein bhi madadgar hoti hain.

5. Doodh wali Chai :- Halaki doodh wali Indian Tea mein kafi sugar hota hain, Phir bhi yeh bhookh ko khatm karne mein madad karti hain. Agar ise sugar free rakha jaye aur bina malai wale doodh se chai banayi jaye toh yeh wajan kam karne mein accha option hain. Is chai se bhookh ki iccha kam hoti hain, jisse bhojan karne ka mann nahi karta hain. Wajan kam karne wali chai mein Indian Doodh ki chai ka khas mukaam hain.


 
Top