Fairness Cream se gora hona, aapka waham hain.

Fairness  Cream se gora hona chahte hain to yeh aapka waham hain.
Aaj ke time mein Gora rang hona beautiful hone ka ek standard mana jane laga hain. Halaki ki khubsoorati ke liye rang ka gora hona, meri nazar mein koi khas maayne nahi rakhta hain. Kyonki sirf chamadi ke rang ka gora hona asal mein real beauty nahi hain. Lekin phir bhi log gore rang ko jyada pasand karte hain.

Logo ki isi mentality ka fayda uthaate huye kai saari beauty products banane wali companies , Rang gora karne wale fairness cream ko market mein aaye din launch karte rahte hain. Kai company aisi hain jo yeh dawaa karti hain ki unki cream 10 din mein rang ko gora bana degi. Aise mein bahut saare ladke aur ladkiyan is companiyon ke jhaase mein aa jate hain aur unki cream ko khareedne lagte hain.

Abhi ek research mein yeh baat saamne aayi hain ki Rang gora karne wali in fairness cream mein Steroids hote hain , jo skin ko nuksan pahuchate hain. Jo log rang gora karne wale ya kaale rang ko halka karne ke liye upay ajmaate hain, unhe experts ne saavdhaan kiya hain.

Is tarah ke products aapko lifetime tak problems de sakte hain. In cream ko banane ke liye Glutathione ka istemal kiya jata hain. Glutathione ko Internet par Gorapan badhaane wale agent ke roop mein promoted kiya ja raha hain. Lekin yeh hamare sharir ka ek strong Antioxidant hain jo umar ke badhne ya bimaari ke hone se khatm ho jata hain. Gorepan se iske relation hone ka koi scientific proof nahi mile hain.

Kai researchers ne yeh paya hain ki rang halka karne wali cream sirf kuch hud tak Melanin ko halka kar sakti hain. Yeh aapki skin ko puri tarah se gora nahi bana sakti hain. Aur to aur long time tak in creams ka istemal karne se aapko skin se related bimariya bhi ho sakti hain.

Skin ki sahi safaai, Toning, Oil massage, Moisturizing se skin mein moisturizer banaye rakh kar aap clean & clear, glowing skin paa sakte hain, Jisse aap kafi khubsoorat dikhenge. Isliye beautiful dikhne ke liye gorapan nahi hain jaroori.

India ke market ki baat kare to In gorepan wali cream ka bazaar 2010 mein 26,00 Crore Rupees ka tha. 2012 mein 233 Ton Fairness products ka use Indian Consumers ke dwaara kiya gya.

Gora banane wali creams aapko gora nahi, balki ullu banati hain. Dosto agar aap rang ko gora karna hi chahte hain to rang ko gora karne wale gharelu nuskhe aur upay aur rang gora karne wale food aadi ka istemal kare.

You May also like :-