Hinglishpedia

0
Mahilaon ke liye special food.
Woman ki body apne puri life mein kai saare process se gujarti hain. Ladies ki body Men ki body se naazuk hota hain. Isliye mahilaon ko kai saari bimariya hone ka khatra purusho ke mukable jyada rahta hain.

Ladies ko unke body ke according khane-peene ki advice di jati hain. Experts ladies ko 10 aise food khane ki salah dete hain, jinhe khane se unhe kai saari bimariyo se chhutkara mil jata hain.

Agar aap bhi working woman hain aur office aur ghar ek saath sambhaalti hain to niche bataye gaye food ko apni daily diet mein jaroor shamil kare.

• Paani :- Hamari body ka 70% se jyada hissa paani se bana hua hain. Paani sahi matra mein peene se body ki androoni safaai hoti hain, khoon saaf hota hain aur body ko nutrients ki supply hoti hain. Paani hamari sharir ki haddiyo, baal, nakhoon, Skin ko healthy banaye rakhta hain. Yeh sharir ki gandagi ko baahar nikaalta hain. Saath hi paani peene se kabz, dehydration aur blood circulation sahi rahta hain.

• Munakka :- Munakka mein Iron bharpoor matra mein paya jata hain. Agar aapko kabz ki shikayat rahti hain to regularly isko khayiye, Kyonki isme dher saara Fiber hota hain. Yeh jhurriyo (Wrinkles) ko khatm karne mein bhi madad karta hain. Saath hi isse khoon ki kami door hoti hain, khoon saaf hota hain aur Cancer jaisi khatarnaak bimari se bhi bacha ja sakta hain.

• Pista :- Piste mein dher sara Copper, Protein, Calcium, Potassium, Phosphorus, Vitamin B6 aur Magnesium hota hain. Isme Fiber bhi bharpoor matra mein paya jata hain. Jisse aapki kamar aur Cholesterol level dono hi kam hote hain. Isme high Antioxidants hote hain jo Cancer aur heart disease ko rokne mein aapki madad karte hain.

• Cranberry (Karonda) :- Urine Infection ladies mein hone wali ek aam bimari hain. But Cranberry ka juice peene se aap urine infection ko door kar sakti hain. Rojana ek glass fresh Karonde ka juice aapko jaroor peena chahiye. Yeh super market mein aapko easily mil jayega.

• Alsi :- Alsi ke beejo mein Omega-3 Fatty Acid hota hain jo brain aur body ko healthy banaye rakhne ka kaam karta hain. Isse aapki skin glowing, Baal ghane aur haddiya majboot banti hain. Isme Fiber bahut acchi matra mein paya jata hain, Jisse kabz, dil ki bimari, Blood pressure aur cholesterol ki problems door rahti hain. Yeh PMS ke symptoms ko bhi door karta hain.

• Saboot Anaaz :- Sabut anaaz mein aapko energy aur reshe milte hain. Yeh aapki body ko jaroori Vitamin, Minerals, Antioxidants, Healthy Fat, Carbohydrate aur Fiber deta hain.

• Doodh-Dahi :- Low Fat wala Doodh sabhi ladies ko peena jaroori hain. Women ki bones aur teeth ko strong banaye rakhne ke liye Calcium, Vitamin B12 aur Riboflavin ko lena bahut hi jaroori hain, Jo ki ek katori Dahi aur ek glass doodh ko pee kar paya ja sakta hain.

• Haldi :- Aurton ko Haldi jaroor khani chahiye. Yeh skin ko beautiful banati hain aur kai saari bimariyo se bachati hain. Yeh khoon ko saaf karti hain.

Fruits :- Motapa door karne ke liye rojana ek katora phal jaroor khana chahiye. Inme bilkul bhi fat nahi hota hain. Yeh Fiber, Antioxidants, Vitamins aur Minerals se bhare huye hote hain. Inhe khane se aapki body hydrate rahti hain aur aapka motapa bhi nahi badhta hain. Phal hamesha season ke hisab se khane chahiye.

 Green Vegetables :- Hari pattedar sabziya Vitamin aur Minerals ka khazana hoti hain. Palak jaisi gahre hare rang wali sabzi har ladki ko jaroor khana chahiye, Kyonki isme Vitamin K, Vitamin C ke alawa Iron bharpoor matra mein hota hain. Isse ladies ko periods ke dauran hone wali khoon ki kami ko door kiya ja sakta hain. 


Post a Comment

 
Top