Hinglishpedia

Office tiredness ko door karne ke tips aur upay. How to treat Office Tiredness in Hindi/Urdu.
Kai baar aisa hota hain ki aapne office mein lunch kiya aur lunch time khatm hone se pahle hi aap susti mahsoos karne lagte hain. Aisa hone ke peeche kai saare reason ho sakte hain , Lekin aap kuch tips ko follow karke office mein dophar ke waqt hone wali susti ko door kar sakte hain. Aaiye jante hain in upay ke baare mein.

Dophar ke baad susti ko door karne ke upay aur tarike :-


• Ek cup kadak chai pijiye :- Ek cup Kadak chai ya phir coffee aapko kaam karne ke liye new energy de sakta hain. Chai peene ke liye kisi canteen ya shop par jayenge toh thodi walking bhi ho jayegi.

• Paani pijiye ;- Paani aapke dimaag ko jagaane ka kaam karti hain. Bas ek glass paani pijiye aur yeh na kewal aapko kaam karne ke liye nayi energy dega, balki isse aap healthy bhi rahenge.

• Mooh dhoye :- Jab neend se bhari huyi palke jhukne lage aur aap sust padne lage toh apne chehre ko paani se dhoyiye. Isse aapki susti pal bhar mein hi door ho jayegi. Paani bahut hi kamaal ki cheez hain, Ise aap pijiye ya phir isse mooh dhoyiye dono hi tariko se aap susti ko door kar sakte hain.

• Kisi se baat kar le :- Office mein mann laga kar yeh jaroori hota hain ki aap zyada gossip na kare, Lekin lunch ke baad alas door karne ke liye yehi gapshap aapke kaam aa sakti hain. Lekin aapke yeh dhayaan rakhna chahiye ki yeh Gossip Online na hokar balki face to face ho. Aisa kare ki 2 cup chai manga le aur apne kisi saathi ke paas jaye aur 2-4 minutes usse baatein kare. Lijiye aapki susti door ho jayegi.

• Thoda tahal le :- Lambe waqt tak ek hi jagah par baithe rahne se bhi susti aa jati hain, Neend aane lagti hain. Aisa kare ki thodi der tak walk kar le. Lekin agar aap office se bahar nahi ja sakte hain toh bhi office ke ander hi thoda chal phir le.
loading...


 
Top