Hinglishpedia

Lahsun aur Shahad ko mila kar khane ke fayde. Benefits of Garlic Honey Paste in Hindi/Urdu.
Lahsun aur Shahad dono ke apne hi kuch khas fayde hote hain. Lahsun ka istemal masale ke taur par kiya jata raha hain. Lahsun ko kai saari bimariyo ko door karne wali dawaai bhi mana gya hain. Usi tarah Shahad ke bhi apne hi gun hote hain. Lekin Agar in dono yani ki Lahsun aur Shahad ko mix karke khaya jaye toh sochiye inse aapki sehat ko kya-kya fayde ho sakte hain?

Ji, Haa Agar aap 7 Dino tak lagatar Lahsun aur Shahad se banaya gya paste khayenge toh kuch hi dino mein aapki health par aise positive effect nazar aane lagenge, Jinke baare mein aapne socha bhi nahi hoga.

Chaliye jante hain Lahsun aur Shahad ko mila kar lene ke kya fayde hote hain. Health Benefits of taking Garlic & Honey together in Hindi/Urdu.

Lahsun aur Shahad ko ek saath mila karke lene ke fayde :-


• Diarrhoea door kare :- Agar aap Diarrhoea ki problem se preshan hain toh Garlic Honey paste ka sewan kare, Isse aapko definitely fayda hoga. Isko khane se aapka digestion system sahi tarah se kaam karta hain. Jis wajah se pet se related kisi bhi tarah ka infection nahi ho pata hain.

• Heart ko banaye healthy :- Lahsun aur Shahad ka ek saath mila kar khane se Heart ko bahut labh hota hain. Iska sewan karne se dil ki dhamniyo mein jama Fat bahar nikal jata hain. Jiski wajah se blood circulation sahi tarah se hone lagta hain. Jo ki heart ke liye bahut hi faydemand saabit hota hain.

Sardi-Jukaam mein faydemand :- Isme bharpoor matra mein aise tatv paye jate hain, Jinse Sharir mein garmi aati hain. Jis wajah se aapko Sardi-Jukaam jaisi problem se chhutkara mil jata hain.

• Gale ka infection door kare :- In dono mein Anti-Inflammatory gun paye jate hain. Jis karan ise khane se gale ki kharash aur sujan se aapko rahat milti hain.

• Detox :- Yeh paste natural detox ka kaam karta hain. Jiski wajah se aapki body mein mauzood androoni gandagi aur bekaar cheezo ki acchi tarah se safai ho jati hain. Jis wajah se aap healthy aur beautiful ban jate hain.

• Immunity system strong banaye :- Iska sewan karne se aapka immune system strong banta hain, Jis wajah se aap kabhi bhi asaani se bimar nahi padenge.

Lahsun-Shahad paste banane ki vidhi (Recipe of Garlic-Honey paste in Hindi/Urdu.) :-

2 se 3 Lahsun ki kaliyan koot le aur phir usme shuddh Shahad milaye. Ise kuch waqt tak aisa hi rahne de, Jisse Lahsun mein Shahad acchi tarah se mix ho jayega aur usme absorb ho jayega. Phir aap is paste ko Subah khali pet 7 dino tak lagatar khayiye, aur dekhiye aapki health kaise acchi ho jati hain.


 
Top