Doodh ke gharelu nuskhe aur upay.

Doodh ke kuch upyogi gharelu nuskhe aur upay. Home Remedies of Milk in Hindi/Urdu.
Doodh peena sehat ke liye bahut hi jyada faydemand hota hain. Isko rojana peene se hamari body kai saari bimariyo se bachi rahti hain. Isliye healthy body ke liye rojana kam se kam aadha litter doodh toh jaroor hi peena chahiye, Kyonki doodh ek sampooran aahaar hain. Yani ki ise peene se kai saari nutrients ki supply ho mil jati hain. Doodh mein kai saare poshak tatv aur Vitamins jaise Vitamin A, D, K aur E ke alawa Phosphorus, Iodine aur kai saare minerals paye jate hain. Lekin kya aapko pata hain ki doodh peene ke alawa doodh ke kuch gharelu nuskhe bhi hote hain. Ji haan, aaj hum aapko doodh se jude kuch upyogi gharelu nuske aur upay ke baare mein batayenge, jinhe ajma kar aapko bahut fayda hoga. Home remedies of Milk in Hindi/Urdu.

Doodh ke gharelu nuskhe aur upay : -


• Khubsoorat aur Bedaag skin ke liye :- Doodh mein thoda namak mila kar subah-shaam chehre par lagaane se pimples door hote hain. Kacche Doodh mein gulabjal mila kar lagane se skin healthy rahti hain. Lips par kaccha doodh lagane se honth gulabi bante hain.


• Aankhon ke liye :- Early age mein agar chashma lag gya hain ya aankho se paani aane ki problem ho gyi ho toh Doodh aankho ki problems se bachne ka kargar tarika hain. Aankho ko sahi rakhne ke liye subah-shaam aankho ko paani se dhoye. Iske alawa kacche doodh ki cream nikal kar oos doodh ki kuch boonde aankho mein daale. Aankhe hamesha healthy rahengi. Lekin aapko Kacche doodh mein se cream nikaal deni hogi aur uske baad jo doodh bachega yani ki ekdum yeh paani ki tarah hoga, Uski kuch boonde aankho mein daalni hogi.


• Pet ki problems ke liye :- Kabz aur acidity ki problem mein doodh Ramban ki tarah kaam karta hain. Thande doodh mein Mishri mila kar peene se acidity mein turant rahat milti hain. Raat ko gunguna doodh peene se Kabz ki problem se chhutkara milta hain. Agar kabz bahut zyada purana ho toh Doodh mein ek chammach Badam ka tel daal kar peene se purane se purane kabz ko khatm kiya ja sakta hain.


• Mooh ke chhalo ke liye :- Kabz hone ya sharir mein garmi badh jane par mooh mein chhale hone lagte hain. Mooh ke chhale agar aapko preshan kar rahe hain toh din mein 3 baar kacche doodh se garare kare, Chhaale bahut hi jaldi khatm ho jate hain.


• Asthma ke problem mein :- Asthma ke mareez ke liye Aadha litter doodh mein aadha litter paani mix karke ubaal le. Jab yeh aadha rah jaye toh usme 10 gram Badam ka tel, 10 gram Mishri ke saath thoda sa Kali Mirch powder daal kar asthma ke mareez ko pilaye. Yeh Asthma se rahat dilane ka bahut hi kargar nuskha mana gya hain.


• Tez dimaag ke liye :- Agar aapki yaddasht kamjor hain. Aap har baat thodi der baad hi bhool jate hain toh Ek glass doodh peene ka khas tarika aapki brain memory power ko badha sakta hain. Rojana ek glass doodh mein elaichi powder daal kar ubaale aur thanda karke pijiye. Ek research se yeh pata chala hain ki doodh na sirf poshak tatvo se bharpoor hota hain, balki isse brain par positive asar bhi padta hain.

You May also like :-