Dil ka daura padne ke baad nahi karni chahiye yeh mistakes.

Heart attack ke baad yeh galtiya na kare.
Heart Attack yeh aise words hain, Jo kisi ko bhi dara sakte hain. Har kisi ko dar laga rahta hain ki kanhi vah Heart ki bimariyo ka mareez na ban jaye. Unhealthy lifestyle ke chalte heart ki bimariya hone ka khatra kafi jyada badh gya hain.

Dil ka daura tab padta hain, jab dil tak pahuchne wale khoon mein rukavat aati hain aur dhamniyo mein khoon ke thakke jam jate hain, Jiski wajah se puri body ke blood circulation par effect padta hain.

Saath hi heart ke muscles ko sahi matra mein oxygen nahi mil pata hain aur veh damage ho jati hain. Yeh ek janlewa situation hoti hain.

Agar kisi person ko heart disease hain ya phir haal-philhaal heart attack hua ho toh uski body mein tezi se recovery hoti hain, Aise mein usay apne health ke parti jagrook rahne ki jaroorat hain aur apni lifestyle mein jaroori sudhaar laane ki jaroorat hain.

Heart attack padne wale patient ko physically aur Mentally roop se healthy rahna bahut hi jaroori hota hain. Usay Depression, Tension, Thakaan aadi se door rahna chahiye aur neech batayi gyi 10 baato par khas taur par dhyaan dena chahiye, Jo ki is tarah se hain.

Heart attack padne ke follow kare yeh tips :-


1. Wajan ko na badhne de :- Heart attack ke baad aap apni body par pura focus kare. Khan-pan ka khas khyaal rakhe taki aapka wajan na badh paye. Wajan badhne se body mein Fat aur motapa aa jata hain, Jiski wajah se dil mein dusri bimariya hone ka khatra ban jata hain. Kisi bhi person ka Body Mass Index (BMI) 18.5 aur 24.9 ke beech mein hona chahiye.

2. High Blood pressure ko control kare :- American heart association ne yeh bataya hain ki heart attack hone ke sabse jyada chances High Blood pressure ki wajah se hota hain. Tension, jyada exercise karne ya tension ki wajah se high blood pressure ho jata hain jo dil ke liye khatra ban jata hain.

3. Saturated Fat/Trans Fat se door rahe :- Khane mein kam se kam oil, Dalda ya ghee ka istemal kare. Saturated Fat ya Trans Fat ko khane se bache. Jyada Fat wala food khane se Fat dhamniyo ke upar ek parat ke roop mein jam jata hain aur Blood Flow par asar daalta hain.

4. Dusri health problems ko andekha na kare :- Kai baar heart attack padne ke baad log dusri health problems ko andekha kar dete hain. Diabetes, Hypertension, Hypothyroidism, Depression aadi jaisi problems ko seriously le. In sabhi bimariyo ka jald se jald treatment karwaye. Apne lifestyle ko aisa banaye ki motapa aapke paas na aa paye. Motapa sabhi bimariyo ki jad hota hain. Saath hi apni dawaayio ka niyamit roop se sewan kare.

5. Smoking ko kahe alvida :- Agar aap smoking karte hain toh usay chhodne mein hi aapki bhalai hain. Iske liye shuruvaat kare aur ise chhodne ki koshish kare, shuru shuru mein aapko ise chhodne mein kai saari preshaniyo ka saamna karna padega, lekin atal iraade aur smoking chhodne ke tips ko follow karke smoking ko chhod de. Smoking karne se heart arties mein Blood Flow par direct effect padta hain.

6. Namak jyada na khaye :- American Heart Association logo ko yeh salah deta hain ki heart attack hone ka risk oon logo mein sabse jyada hota hain jo namak jyada matra mein khate hain. Yani ki ek din mein 1500 Milligram se jyada namak khana nuksandeh hota hain. Aise mein khane mein namak ki matra ka balance banaye rakhe.

7. Physical taur par active rahe :- Heart attack ke baad bed par hi na rahe. Araam se walk kare aur kuch waqt baad physical activities par khas dhyaan de. Cycle chalaye, Walk kare ya phir swimming kare. Isse aapki body fit rahegi aur blood circulation acchi tarah se hoga.

8. Symptoms ko ignore na kare :- Agar heart attack ke baad recovery ke dauran bahut jyada thakaan, Chest mein pain, jyada paseena aata hain ya pairo mein sujan ho jati hain toh aise symptoms ko na nakaare. Apne health ke prti alert rahe.

9. Cholesterol badhaane wale food se doori banaye :- Cholesterol badhaane wale food items se doori banaye, Jisme Chat, Tikki, Pakauda aadi cheezo mein Fat hota hain jo Cholesterol level ko kafi had tak badha dete hain. Aise mein in cheezo ko na khana hi accha rahega.

10. Sugar, Pasty, Sweets, Chocolate ko na khaye :- Heart Attack ke baad Sugar Pasty, meethai, chocolate aadi ka sewan kabhi nahi karna chahiye. Inke sewan se sharir mein cholesterol ka level badh sakta hain aur Blood mein cholesterol ki badhotari khatre ki wajah ban sakti hain. Result ke taur par khoon ke thakke ya khoon gadha ho sakta hain jo ki janlewa saabit hota hain.

You May also like :-