Hinglishpedia

Smartphone ko andhere mein chalane ke nuskan. Don't use your Smartphone in Darkness, you will be become temporary blind.
Agar aapko bhi andhere mein ek karwat lekar Smartphone ko chalane ki aadat hain, toh yeh khabar aapke hosh uda degi. Kyonki yeh aadat aapko temporary taur par blind kar sakti hain.

Ek report ke according England ki 22 years ki ek ladki ko der raat tak apne Smartphone mein busy rahne ki aadat thi. Vah room ki light ko off karke apne bed par jaate hain apna smartphone apne haath mein le leti thi aur lete-lete kafi der tak andhere kamre mein apne smartphone par kuch na kuch karti rahti thi. Is dauran karwat lekar letne ke dauran uski left eye pillow se dhaki rahti thi aur Right eye se vah mobile ke screen par focus karti thi. Result yeh hua ki aankh kharab hone lagi. Dusra Case kareeb 40 Saal ki woman ka hain. Vah suraj nikalne se pahle uth jati thi aur lete-lete hi apne smartphone par news padhti thi. Aisa karte huye vah ek hi karwat leti rahti thi. Kareeb saal bhar aisa hi chalta raha aur natiza yeh nikla ki uski aankhe kharab ho gyi.

London ke famous Eye specialist Dr. Umar Mahru ne “ The New England Journal of Medicine” mein publish huye ek report mein bataya ki hamari aankho ka retina bahut hi kamaal ki cheez hoti hain. Kyonki yeh lights ke level ke according dhal sakti hain, Jabki camera bhi aisa nahi kar sakta hain. Result yeh hua hi ki ek aankh ka retina light ke mutabik dhal gya aur dusri aankh jo takiye se dhaki huyi thi andhere ke anusaar retina dhal gya.

Hakikat yeh hain ki adhere se roshini mein jane par aur roshini se andhere mein jane par hamari aankh ka retina automatically adjust ho jata hain, Jisse hame dekhne mein madad milti hain. In dono ladies ki vah aankh temporary taur par blind ho jati thi, jo lagatar screen par dekhti rahti thi.

Dr. Mahru ne ek test kiya. Vah apni left eye ko band karke ek andhere kamre mein gaye aur right eye ki madad se lagatar 20 minutes tak Smartphone ki screen par dekhte rahe. Iske baad unhone screen ko off kar diya. Jab room mein halki roshini ki gyi toh Right eye jo ki screen ko dekh rahi thi ne room ke nayi light setting ke hisaab se adjust hone mein kafi jyada time lagaya, Matlab ki vah aankh thodi der ke liye blind ho gyi thi. Dr. Mahru ke mutabik kai patient ne Smartphone ke use ke chalte Vision Loss hone ki shikayat ki hain. Halanki unko abhi tak Smartphone ke aankho par kisi bure effect ki jankari nahi hain, Lekin yeh example warning ke liye kafi hain.
loading...


 
Top