Hinglishpedia

Anar ka juice aur Khajoor dono ko mila kar khane ke fayde.
Anar ke vaise bhi kai saare fayde hote hain. Anar lal rang ke beejo wala raseela phal hain jo sehat ke liye bahut hi jyada faydemand hota hain. Ek cup Anar ka juice peene se Vitamin C, K aur potassium bharpoor matra mein aapko milega. Agar aap is juice ko khajoor ke saath lete hain to yeh aapko dugna fayda karta hain.

Agar aapko Anar aur Khajoor dono hi pasand hain to yeh special dish aapke liye hi hain. Ek research se pata chala hain ki Anaar ka juice aur khajoor ko ek saath mil kar khane se aapko heart attack hone ke chances kafi kam ho jate hain. Sirf aapko 1 glass Anaar ka juice aur kuch khajoor ki jaroorat hain.

Yeh heart ke liye kaise faydemand hain?

Ek research mein paya gaya ki Anar ka juice aur Khajoor ko ek saath lene se hum atherosclerosis se bache rahte hain. Atherosclerosis heart attack ya stroke hone ki aham wajah hoti hain. Anar ke juice mein polyphenolic Anti-oxidant jyada matra mein paye jate hain , jo oxidative stress ko kam karne ke liye jane jate hain. Vahi dusri aor Khajoor Phenolic Radical Scavenger Antioxidant ka good source hota hain jo kharab cholesterol ke oxidation ko rokta hain. Dono ko ek saath mix karke lene se yeh gunkari mishran ban jata hain jo hame fit rakhne mein madad karta hain.

Is mixture ko kyon lena chahiye?

Research ke mutabik aadha glass Anar ke juice aur 3 Khajoor ko ek saath lene se Cardiovascular disease hone ka khatra kafi had tak kam ho jata hain. Sahi mayno mein Anar ke juice mein aapko in phalo ke beejo ko pees kar paste bana kar unko khana chahiye, Lekin bina beej ke bhi yeh mishran in phalo ko akele khane ke mukable jyada faydemand hota hain.

Anaar ke juice aur Khajoor ke ek saath mila kar peene ke fayde :-

• Yeh mixture dil ki dhamniyo ko hard banane wale stress ko 33% tak kam karta hain.

• Iske alawa yeh dhamniyo mein Cholesterol aur Charbi ko 28% tak kam kar deta hain.

• Anaar mein Nutrients Vitamin A, K, Folic Acid bharpoor matra mein paye jate hain.

Is mixture ko banane ka tarika :-

Anaar ka juice banana bahut hi easy hain. Bas aapko Anaar ko chhilna hain phir ise juicer mein daal dena hain. Agar aapke paas juicer nahi hain to mixi grinder se bhi kaam chal jayega. Aap Anaar mein se uski safed jhilli ko nikaalna na bhoole, Uski wajah se Juice ka taste khatta ho jata hain. Juice taiyaar hone ke baad usme khajoor mila kar phir se grind kare.
loading...


 
Top