Hinglishpedia

0
Body banane ke liye jaroori tips. Body Building tips in Hindi/Urdu.
Agar aap Body banane ki aap soch rahe hain jaise ki film actors aur professional Body builders ki body hoti hain. Toh ek acchi body banane ke liye uspar kiye jane wala workout sabse jyada kaam aata hain aur usse bhi jaroori hota hain sahi technique. Aap jab bhi body banaye ke liye mehnat kare toh yeh na soche ki meri body ek din mein ya raato raat ban jayegi. Body banane ke liye time lagta hain aur aapko lagatar koshish karte rahna padta aur focus rahna padta hain. Iske liye aapko 6 se 12 hafto tak lagatar mehnat karni padegi aur uske baad kanhi jakar iska asar dikhaayi dena start hoga.

Body banane ke liye sabse jaroori hota hain uske baare mein right information rakhna aur safety rules ko janna, Khas karke tab jab aapki body mein fat ho toh usay kam karke apni body ko banana. Yaha hum body banane ja rahe beginners ke liye kuch khas tips batane ja rahe hain, Jinhe jaankar aapko acchi six pack wali body banane mein help milegi.

Body banane ka startup karne walo ke liye special tips :-

• Stretching jaroori hain :- Workout session mein stretching jaroor kare. Isse muscles strong hote hain aur unme sujan bhi nahi aati hain. Iske alawa isse body mein lacheelapan bhi aata hain.


• Body banane ke liye time banaye :- Body banane ke liye sabse pahle time bana le ki aapko itne dino mein apni body banani hain aur apne aim mein successful hone ke liye jee jaan se kadi mehnat kare.


• Khoob paani piye :- Workout session mein bharpoor matra mein paani pijiye. Isse aapki body Hydrate rahegi aur thakaan bhi nahi hogi.


• Acche gym ko select kare :- Body builders ke jaisi body banane ke liye kisi acche gym ko select kare, Jaha aap trainer ke under exercise kar sake. Gym ka mahaul, environment aur location bhi accha hona chahiye.


• Acche se saans le :- Exercise ke dauran sahi time par saans lena bhi jaroori hota hain. Saans ko sahi tarah se lene se exercise karne ka jyada fayda milta hain.


• Apne posture par dhyaan de :- Gym ke saath saath apni body posture par bhi dhyaan de. Yeh jaroor jane ki exercise ke baad aapki body mein kitna fark aaya hain.


• Doctor se check up karwaye :- Body banane ki shuruavaat karne se pahle doctor se apni body ki jaanch jaroor karwaye. Body ki medical conditions ko jaane. Kisi bhi exercise ko karne se pahle doctor se consult jaroor kare.


• Balanced diet le :- Exercise karne ke baad balanced diet jaroor le. Isse body ko nutrients ki supply hogi. Body mein protein ki matra kafi acchi bani rahegi.


• Injuries ka dhyaan rakhe :- Agar aapko chot lag gyi hain toh usay ignore na kare. Oos par dhyaan de aur malham lagaye aur medicine khaye. Aur agar rest ki jaroorat ho toh aaraam jaroor kare.


• Apne Muscles ko strong banaye :- Heavy weight uthaane se pahle apni muscles ko strong banaye. Apne muscles ko chot lagne se bachaye. Ek baar muscles strong ho jati hain toh uske baad dard nahi hota hain aur aap aaraam se exercise kar sakte hain.


• Hamesha warm up kare :- Kisi bhi lift karne se pahle body ka warm up kar le. Isse body par achanak se pressure nahi padta hain. Warm up karne se body mein lacheelapan aata hain.


• Training partner jaroor banaye :- Ji haan yeh baat 100% sach hain ki Gym mein training partner banane se aapko body banane mein asaani hoti hain. Training partner banane ka sabse bada fayda yeh hain ki aap apne partner ke saath khud ko compare kar sakte hain. Isse body banane ke liye motivation milta rahta hain.


• Free weight ka use kare :- Jab bhi Lift kare ya dumble par toh free weight ka use kare. Isse aapki body mein aur bhi jyada majbooti aayegi.


• Kai wazan uthaye aur kai baar wazan uthaye :- Har din thoda thoda wazan jyada badhaye aur body ko iski habbit banaye.


• Daily different-different exercise kare :- Rojana ek hi tarah ki exercise na kare. Har din kuch naya jaroor try kare. Isse aapki body ko har tarike se strong banane mein asaani hogi.


• Compound exercise karne ki koshish kare :- Kuch compound exercise jaise Squat, Deadlift, Bench press, Military press, dips aadi ko kare. Isse muscles ke fiber strong bante hain.


• Apni body ke changes ko jaane :- Agar aap body banane ke liye shuruvaat kar rahe hain toh apni body mein hone wale chote se chote changes ko jaane. Isse aapko usay aage improve karne mein aaram milega. Agar aapko lagta hain ki aapki body ko aaram chahiye toh ek din ka rest le, Lekin ise roj aaram na karne de, Workout karna bahut hi jaroori hain.


• Acchi neend le :- Exercise karne ke saath saath acchi neend lena bhi bahut jaroori hain. Aapko 7 se 8 ghante ki neend leni bahut hi jaroori hain.


• Kisi body builder ko apna role model banaye :- Apni body banane se pahle kisi body wale ko apna role model banaye aur soche ki aapko uske jaisi hi apni body banani hain. Isse aapko ek standard mil jayega ki aapko apni body ko kaisa banana hain.


• Sahi aim banaye :- Body banane ke liye aise aim banaye jo sach mein possible ho aur unhe hakikat mein karke dikhaya ja sake. Yeh koi ek din ya hafte bhar ki baat nahi hain, Saalo mein aapki body ek shape mein aati hain aur usay hamesha maintain karna padta hain.


Post a Comment

 
Top