Hinglishpedia

Pair ki moch door karne ke upay aur tarike.
Kabhi-kabhi aisa hota hain ki chalte-chalte ya phir khel-kood ke dauran aapka pair mud jata hain, Jisse pairo mein moch ya phir khichaav aa jata hain aur aapke pairo mein sujan aur dard hone lagta hain.

Takhno ki moch bahut dard deti hain. Moch hone par agar aap turant doctor ke paas nahi ja sakte hain toh bhi uska gharelu ilaj hain. Aap in upyogi home remedies ko apna kar pairo ki moch ko theek kar sakte hain.

Yeh gharelu nuskhe purane zamane se log upyog karte aa rahe hain aur acchi baat yeh hain ki in gharelu upay ko ajmaane ke liye jin cheezo ki jaroorat padti hain, veh sara samaan aapki rasoi mein hi mil jate hain.

Moch aane par in tips aur gharelu nuskho ko jaroor apnayiye aur khoob aaraam kare, Jisse aap jaldi theek ho jayenge. Phir agar aap theek tarah se chalne lage hain toh Doctor ke paas jaroor jaye.

Pair ki moch se chhutkara paane ke upay :-


1. Paan ke patte par Sarso ka tel laga kar, oos patte ko halki aanch garm karke moch wali jagah par baandhne se aaram milta hain.

2. Moch wali jagah par Aloe Vera Gel lagane se bhi moch ke dard se aaram milta hain.

3. Paan ka patta ya Aam ka patta ko acchi tarah se saaf karke oos par namak laga kar moch wali jagah par baandhne se kafi fayda hota hain.

4. Moch ki dard se rahat paane ke liye aap aadha chammach fitkari ko garm doodh ke saath mila par pee jaye, Isse chot jaldi theek ho jati hain.

5. Agar aap moch hone par turan oos jagah par barf ki sikaayi karenge toh oos jagah par sujan nahi aayegi. Dard ko kam karne ke liye har 1-2 ghante mein 20 minutes tak barf ki sikaayi karni chahiye. Barf ko hamesha kisi kapde mein lapetkar sikaayi karni chahiye.

6. Sarso ke tel mein namak mila kar garm kare aur moch wali jagah par lagaye. Phir ise kisi kapde se baandh kar raat mein so jaye, Isse aapko jaroor hi aaram milega.

7. Takhne mein agar moch aa jaye toh aapko dher sara aaram karna chahiye. Agar aap rojana khoob paidal chalte hain toh kuch dino tak aapko aaram karna chahiye. Aapko aisa kaam bilkul bhi nahi karna chahiye jisse takhne ke muscles aur tissues par asar padta ho.

8. Moch aur haath-pair ki ainthan ko door karne ke liye Akhrot ke tel se maalish karne se bhi aaram milta hain.

9. Haldi lagane se bhi pair ki moch aur sujan se aaram milta hain. 2 chammach Haldi mein thoda sa paani mila kar paste bana le aur halka garm karke moch par lagaye. Phir 2 ghanto baad pairo ko garm paani se dho le.

10. Moch par bandage ya patti baandhne se fayda hota hain. Pairo mein plastic bandage ko baandhna chahiye, Jisse pairo ka blood circulation theek rahe. Moch wali jagah ko kabhi bhi kas kar nahi baandhna chahiye, nahi toh usse khoon ka bahaav dheema ho jata hain. Agar bandage ko kas ke baandh liya jaye toh dard badh jata hain.

11. Moch ko door karne ke liye Imli ki pattiyo ko pees kar usay gunguna garm kare. Phir is paste ko moch wali jagah par lagaye, Isse aapko dard se turant aaram milega.

12. Moch aane par pairo ko upar uthaaye aur pairo ke neeche takiya rakhe. Isse khoon ek jagah jam nahi pata hain aur veh puri body mein circulate hoga. Isse pairo ki sujan bhi kam hoti hain.

13. Namak ko dheemi aanch par senk kar garm-garm kisi mote kapde mein baandh kar moch wali jagah ki sinkaayi karne se rahat milti hain.

14. Moch wali jagah par Shahad mein Choona mila kar halki maalish karne se bhi kuch hi dino mein aaram mil jata hain.

15. Chot wali jagah par Namak mein kaale til, Sukha Nariyal aur Haldi mila kar pees le aur ise garm karke moch wali jagah par baandhe, Isse aapko bahut jaldi aaram milta hain.

16. Tulsi ke patte ka ras aur Sarso ko tel ko ek saath mix karke garm kare aur moch wali jagah par lagaye. Aisa din mein 4-5 baar karna chahiye.

17. Sarso ke tel mein Ajwain aur Lahsun ko jalakar, oos tel se maalish karne se har tarah ki moch aur badan dard door ho jati hain.

18. Moch wali jagah par Tejpatta aur Laung ko pees kar uska lep lagaye. Isse dheere-dheere moch ki wajah se hone wali sujan aur dard ko door kiya ja sakta hain.

19. Moch wali jagah par chane baandh kar paani se unhe bhigote rahe, Jaise-jaise chane phoolne lagte hain vaise-vaise moch door hone lagegi, yeh bahut hi kargar nuskha hain.

20. Namak aur Haldi ko mila kar moch wali jagah par lagane se dard mein aaram milta hain.

21. 10-10 gram Nausadar aur Kalmi Shora ko pees kar usay 200 gram paani mein milaye aur phir kapde ko bhigo kar baar-baar moch par lagane se bahut jaldi aaram milta hain.

22. Sarso aur haldi ko garm karke moch wali jagah par lagaye aur uspar Arandi ke patte ko rakh kar baandh de. Isse moch door ho jayegi aur sujan se bhi rahat milegi.

23. Moch khaye Takhne par Edi se shuru kar patti ko upar ki aor baandhe, Dhyaan rakhe ki patti bahut jyada tight na baandhe aur har 2 ghante baad ise kholte rahe. Agar dard aur sujan 48 ghanto mein kam nahi ho toh turant Doctor ke paas jaye.


 
Top