Hinglishpedia

Khujali ko nazar-andaaz na kare, Yeh kai bimariya hone ka sign hoti hain.
Sharir mein khujali hone se kisi kaam ko karne mein man nahi lagta hain, Yaha tak ki insaan khujali ke maare chidchida tak ho jata hain. Body mein khujali hone ki kai wajah ho sakti hain jaisi ki Food ya Medicine se allergy, Skin ka dry hona, rojana sahi se na nahana, Gande kapde pahanna, Machchhar ke kaatne se, Koi chamadi ki bimari ya phir pet mein keede aadi hone par khujali ki problem ho sakti hain.

Research ke mutabik body ke immune system mein gadbadi hone ki wajah se bhi itching problem ka saamna karna padta hain. Aise mein hame yeh janna jaroori hain kanhi yeh khujali kisi serious bimari ka sanket to nahi hain.

• Diabetes :- Blood mein sugar level badh jane ki wajah se skin tak blood sahi tarike se pahuch nahi pata hain aur khujali hone lagti hain.

• Hormonal Change :- Hormonal change ki wajah se skin dry ho jati hain aur isme itching hone lagti hain.

• Anaemia :- Body mein Iron ki kami hone ki wajah se red blood cells kam ho jate hain. Jis wajah se skin dry ho jati hain aur khujali hone lagti hain.

• Dehydration :- Body mein paani ki kami ki wajah se Skin dry ho jati hain, Jiski wajah se khujali hone lagti hain.

• Liver mein kharabi :- Liver ke kharab hone ka asar Body ke detoxification process par dekhne ko milta hain. Isse bhi khujali hone lagti hain.

• Parasites :- Pet ke keede, Juyein jaise parasite khoon chooste hain. Iski wajah se skin mein reaction hota hain aur khujali hone lagti hain.

• Kidney problem :- Kidney ki kharabi hone par body ke toxins baahar nahi nikal paate hain aur isse khujali hone lagti hain.

• Infections :- Paseene, nami se bacterial ya fungal infection ki wajah se sharir mein khujali hone lagti hain.

Isliye dosto kabhi bhi khujali ko andekha nahi karna chahiye. Yeh aam baat hain, Lekin agar yeh lagatar ho rahi hain toh kai bimariya hone ka sign ho sakti hain.


 
Top