Hinglishpedia

Jau ka paani peene ke fayde kya hain? Health benefits of drinking Barley Water in Hindi/Urdu.
Jau ka paani peene ke bahut saare fayde hote hain. Jau ka paani ek aisa drink hain jo paani mein ubaal kar banaya jata hain. Daily Jau ka paani peene se ek taraf jaha sehat se judi bahut saari problems door ho jati hain, vahi kai saari bimariya hone ka khatra kafi kam ho jata hain. Iske saath hi body ko healthy rakhne ka bahut hi asaan tarika hain.

Kai log jau ko bhaap mein paka kar bhi istemal karte hain. Lekin jau ka paani (Barley Water) sehat ke liye jyada faydemand hota hain. Agar isme thodi si chini aur nimbu mila diya jaye toh yeh tasty drink ban jata hain. Aaj hum aapko Jau ka paani peene ke fayde (Benefits of Barley water in Hindi/Urdu.) ke baare mein batayenge, Jinhe jankar aap bhi Jau ka paani peene lagenge.

Jau mein Vitamin B Complex, Iron, Calcium, Magnesium, Manganese, Selenium, Zinc, Copper, Protein, Amino Acid, Dietary Fibers aur kai tarah ke Antioxidants paye jate hain. Yeh bahut hi faydemand anaaz hain. Yeh bahut hi faydemand anaaz hota hain. Aapko ise apni diet mein jaroor shamil karna chahiye.

Jau ka paani peene se hone wale fayde. :-


1. Jau ka paani peene se Kidney stone se chhutkara milta hain. Agar kisi ke gurdey mein pathari ki problem hain to usay rojana 1 glass Jau ka paani peena chahiye, Isse Kidney ki pathari sharir se bahar nikal jati hain. Barley Water ko rojana peene se Kidney bhi healthy rahti hain.

2. Daily Jau ka paani peene se Skin glow karne lagti hain, Yeh Vitamin C, Antioxidants aur Minerals ka khazana hota hain jo skin ke liye faydemand saabit hota hain.

3. Body mein Fiber ki kami ko door karne ke liye rojana 1 Glass Jau ka paani pijiye. Isse sharir mein Fiber ki kami ko pura kiya ja sakta hain.

4. Pregnancy ke duaran pregnant lady ke pairo mein sujan ho jati hain, Aise mein sujan ko kam karne ke liye garbhvati mahila ko Jau ka paani peena chahiye.

5. Jau ke paani mein garmi se rahat dilane wale gun paye jate hain. Garmiyo ke mausam mein ise peene se garmi se rahat milti hain. Agar aapne tez masaledar khana khaya hain jiski wajah se pet mein jalan ho rahi ho toh ise door karne ke liye aap jau ka paani jaroor pijiye. Yeh aapko garmi mein thandak deta hain.

6. Jau ke paani mein Fiber bahut jyada paya jata hain, Jiski wajah se yeh body ke cholesterol level ko kam karta hain. Cholesterol level kam hone se heart se related kai saari bimariyo hone ka khatra kafi kam ho jata hain. Isse heart bhi healthy rahta hain. Isliye cholesterol level kam karne ke liye aur Dil ko tandrust rakhne ke liye rojana 1 glass Jau ka paani jaroor pijiye.

7. Jau Anti-inflammatory hain, Joints pain aur Gathiya se preshan logo ko jau ka paani kafi fayda pahuchaata hain. Agar kisi ko gathiya ki shikayat hain aur Jodo mein dard rahta ho toh usay daily is paani ko jaroor peena chahiye.

8. Agar aap wazan kam karne ki koshish karke thak gye hain aur weight loss karna chahte hain toh Jau ka paani aapke liye Ramban saabit ho sakta hain.

9. Agar aapko urine se related koi problem hain toh Jau ka paani aapke liye faydemand saabit hoga. Yeh mutravardhak ke roop mein kaam karta hain, Yeh bekar paani aur zehreele padartho ko peshab ke jariye sharir se baahar nikaal deta hain.

10. Diabetes ke mareezo ke liye Jau ka paani bahut hi faydemand hota hain. Yeh blood sugar level ko control karne mein bahut madadgar hota hain. Jau ka paani Body mein Glucose aur Blood sugar level ko normal banaye rakhne mein madad karta hain. Ise peene se sugar level ko contrl mein rakha ja sakta hain. Darasal Jau mein Beta-Glucan paya jata hain jo Glucose level ko kam karta hain, Iska matlab hain ki agar aapko Diabetes hain toh aapko Jau ka paani jaroor peena chahiye.

11. Jau ka paani peene se body se zehreele padarth bahar nikal jate hain, jisse chehre par bhi nikhaar aata hain aur Immune system bhi majboot banta hain.

12. Yeh body ki swelling ko kam karne aur skin ko kharab hone se bachata hain.

13. Isme Beta-Glucan paya jata hain, Jiski wajah se aapki Aante saaf rahti hain. Yeh aapko kabz se chhutkara dilata hain aur Bawaseer ke khatre ko kam karta hain. Yeh Tatty ke jariye body se zehreele padartho ko bahar nikaal dete hain, Jisse aapko Pet ka cancer hone ka khatra kafi kam ho jata hain.

Jau ka paani banane ki vidhi (Recipe of Making Barley Water in Hindi/Urdu) :-

Jau ka paani banane ke liye Sauce pan mein 2 Table Spoon jau le aur usme paani milaye. Phir is paani ko tab tak ubaale jab tak Jau narm (soft) na ho jaye. Jab yeh naram ho jaye toh ek jalidaar kapda le kar is paani ko chhan le aur peene ke liye serve kare.

Note :- Aap chhilke wala ya bina chhilke wala kisi bhi tarah ke jau ka istemal kar sakte hain. Vaise toh jyada fayda lene ke liye aap Chhilke wala Jau ka istemal kare, Kyonki Chhilke wale Jau mein zyada Fiber hota hain, Lekin Ise Pakne mein waqt zyada lagta hain. Jab aap jau ka paani pak jaye toh is thanda hone de aur Bottle mein chhankar rakh de aur din bhar 1 se 2 glass peete rahe.

Jau ka paani aapki sehat ke liye bahut hi accha hota hain. To aaj se hi is paani ko peena shuru kar dijiye aur apne sharir ko banaye healthy.
loading...


 
Top