Hinglishpedia

Nimbu Haldi ko garm paani mein mila par peene  ke fayde. Benefits of  drinking hot water  with Lemon & Turmeric in Hindi/Urdu.
Haldi aur Nimbu + Hot water in teeno ko mila kar jaroor pijiye.


Kya aapne kabhi Nimbu, Haldi aur Garm paani ko ek saath mila kar piya hain? Kya kaha nahi piya toh jab aap inke guno ke bare mein jaanenge toh Haldi Nimbu wala paani jaroor peena pasand karenge.

Ji haan yeh haldi nimbu wala paani hamari good health ke liye bahut hi zyada faydemand hota hain. To chaliye jante hain Haldi, Nimbu wala garm paani peene ke fayde. Benefits of drinking Turmeric, Lemon Hot water in Hindi/Urdu.

Garm paani mein Haldi, Nimbu mila kar peene ke fayde :-


1. Heart ko banaye healthy :- Haldi wala paani peene se khoon nahi jamta hain aur khoon ki dhamniyo mein kisi bhi tarah ki koi blockage nahi hoti hain.

2. Cancer se bachaye :- In teeno ko mix karke peene se cancer se bacha ja sakta hain. Kyonki isse aapko Curcumin naam ka Antioxidant milta hain, Jo cancer paida karne wale cells se ladne mein help karta hain.

3. Arthritis se bachaye :- Curcumin hone ke karan yeh jodo ke dard ko door karne mein madad karta hain. Yeh pain relief medicines se bhi badhiya tarah se kaam karta hain. Isliye agar aapko arthritis ya jodo mein dard ki shikayat rahti hain, toh is haldi nimbu wale paani ka sewan jaroor kare.

4. Body ki sujan kam kare :- Aapki body mein kanhi bhi sujan ya kitni bhi jyada sujan kyon na ho yeh Nimbu Haldi wala paani peene se sujan ko kam kiya ja sakta hain. Kyonki isme Curcumin naam ka antioxidant hota hain jo sujan ko kam karne ke liye dawaai ki tarah kaam karta hain.

5. Motapa kam kare :- Agar aap apne sharir ki charbi ko kam karna chahte hain to garm paani mein nimbu aur haldi powder aur shahad mila kar pijiye. Yeh drink aapke sharir se zehreele tatvo ko bahar nikaalne mein bahut madad karta hain, Jis wajah se aap apne motape ko badi hi asaani ke saath kam kar sakte hain.

6. Brain ke liye accha :- Is drink ko peene se aapke dimaag ko bahut fayda milta hain. Isse aap Dementia aur Alzheimer jaisi bhoolne ki bimari ko kam kar sakte hain. Yeh healthy brain ke liye ek acchi drink mani jati hain.

7. Liver ke liye faydemand :- Haldi wala paani liver ki suraksha karta hain. Kharab ho chuke liver cells ko dubara se theek karne mein madad karta hain. Yeh pittasay ke kaam ko theek karne mein madad karta hain.

8. Khoon saaf kare :- Is mishran ko peene se sharir mein blood circulation sahi tarah se hota hain. Saath hi isse khoon saaf karne mein bhi madad milti hain.

9. Pet ke liye accha :- Research yeh batate hain ki haldi ke sewan se pitt jyada banta hain, Jis wajah se khane ko jaldi hajam karne mein sahayta milti hain. To vahi Nimbu ko pachan tantra ke liye kafi faydemand mana gya hain.

10. Diabetes mein faydemand :- Biochemistry aur Biophysical research ki ek study mein yeh paya gya ki haldi ke niyamit sewan se glucose ka level kam ho jata hain aur Type 2 Diabetes hone ke khatre se bacha ja sakta hain.

11. Skin ko young banaye rakhe :- Agar aap hamesha jawan dikhayi dena chahte hain, toh yeh mishran jaroor piye. Nimbu haldi wala paani peene se inme mauzood tatv Free radicals se ladte hain. Isliye iska sewan karne se aapki skin par badhti umar ka asar nahi padta hain.

Nimbu Haldi wala paani banane ki vidhi aur recipe :-


How to Make Turmeric, Lemon Water (Recipe in Hindi/Urdu.) ?

Ingredient :- Aadha kata Nimbu , Ek chauthai ya phir aadha chammach Haldi powder , Garm paani aur thodi si shahad.

Recipe :- Ek glass mein aadha nimbu nichod le, Phir usme Haldi powder dale aur phir usme garm paani milaye. Ab aap in teeno ko chammach se acchi tarah se phent kar mix karle aur piye. Yeh taste mein thoda kadwa lagega, Lekin iska swaad badalne ke liye aap isme Honey bhi mix kar sakte hain. Sahad milana aapki mood par depend karta hain, aapki marzi aap isme shahad milaye chahe na milaye. Phir acchi tarah mila kar piye. Haldi baar baar glass ke niche baith jati hain, Isliye use baar-baar hilate rahe aur pijiye.

Toh yeh raha Haldi+Nimbu+Garm paani wala healthy drink. Ummid hain aap bhi is drink ko apni regular diet ka hissa jaroor banayege aur healthy rahenge.

Is nuskhe ko apni Facebook, Twitter account par jaroor share kare, Jisse jyada se jyada log is sehatmand drink ka fayda le sakenge. Apne Facebook Timeline par is Article ko jaroor share kijiyega. Thanks.
loading...


 
Top