Hinglishpedia

0
Makeup Side-effects in Hindi/Urdu. Daily rojana  makeup karne ke nuksan.
Beautiful dikhne ke liye hum makeup karte hain. Kabhi kabhi in chemical wale products ko chehre par lagane se koi nuksaan nahi hota hain, Lekin rojana chehre par makeup karne se aapki skin ko nuksan pahuch sakta hain. Phir chahe aap foundation ka istemal kare ya phir maskare ka, sabhi product ek din apna side-effect aapko jaroor dikhayenge.

Nature ne hum sabhi ko beautiful banaya hain. Toh phir dusro ke jaisa dikhne ke liye hame makeup ki jaroorat kya hain. Haan kisi khas occasion aur event par aap makeup ka istemal karke khubsoorat dikh sakti hain. Lekin rojana face par makeup lagana acchi baat nahi hain, Kyonki isse aapko nuksaan hi hoga.

Makeup karne ke fayde se jyada nuksaan jyada hote hain. Isliye aise products ka istemal daily nahi karna chahiye, balki festivals aur programs (party) aadi ke liye kiya jana chahiye.

Aaj ki post mein hum rojana makeup lagane ke nuksan (side-effects) ke baare mein batane ja rahe hain. Yeh chemical se bhare products kuch time ke liye aapko attractive bana sakte hain. Lekin long time tak ise face par lagane se aapko nuksaan hi hoga. Aapki khili aur muskurati skin inki chapet mein aakar dead ho jayegi aur aapko pata bhi nahi chalega. So hum aapko chehre par rojana makeup karne ke nuksaan bata rahe hain.

Daily face par makeup karne ke nuksan :-


• Palke jhad sakti hain :- Kya aapko maloom hain ki palko par mascara rojana lagane se palke jhad sakti hain. Palko ko beautiful banane ke liye aap beauty product ka istemal kar rahi hain, vah kuch der baad apna side-effect dikhayega. Iska khamiyaza aapko jhadti hui palko ki kurbaani dekar chukana hoga.


• Eyes ke aaspaas wrinkle pad sakte hain :- Regularly Face par foundation lagane se chehre par wrinkle pad sakte hain aur iske nishaan sabse pahle chehre ki sensitive skin par nazar aayenge. Jhurriyo ki wajah se aap budhi nazar aayengi aur iski wajah makeup ho sakta hain. So makeup ko lekar itna jyada excited mat hoyiye.


• Makeup hair follicle ka size badhaata hain :-Daily chehre par makeup lagane se aapki skin par hair follicle ka size badh sakta hain. In bade hair follicle mein makeup ka kuch ansh rah jata hain jo bacteria ke saath mil kar pimples hone ki wajah banti hain.


• Skin ki lachak kho jati hain :- Hamari skin mein mauzood lachak ise jawan banaye rakhne mein madad karti hain. Lekin makeup is lachak ko banaye rakhne wale tissues ko khatm kar deta hain. Jis wajah se chamdi latakne lagti hain aur aap budhi nazar aati hain. Isliye makeup rojana nahi balki kabhi-kabhi lagana chahiye.


• Aap old dikhayi dene lagengi :- Makeup mein mauzood pigment aur dusre chemical, Bacteria aur pollution ke saath mil jate hain. Aur phir aapki skin ke collagen ko nuksaan pahuchate hain aur dead skin cells ko dubara se develop hone se rokte hain. Jis wajah se aapke chehre par jhurriyan pad sakti hain.


• Aapke lips kaale aur dry ho sakte hain :- Market mein available rang-birange shades ka istemal karke aap apne lips ko beautiful banati hain. Lekin 24 hours tak lipstick hontho par lagaye rakhne se yeh aapke lips ka natural colour ko chin sakta hain. Lipstick ke upyog se aapke gulabi honth kaale dikhaayi dene lagenge. Hontho par lipstick ki bajaye koi lip bam ya natural product lagaye.


• Eye infection :- Eyes ko attractive banane ke liye lagaya gya makeup aankho ko nuksan pahucha sakta hain. Make up mein mauzood chemical se eyes mein ulcer ya aankhon mien khujali ya jalan mahsoos ho sakti hain. Isliye makeup ka istemal rojana nahi balki jaroorat ke waqt hi karna chahiye.


Post a Comment

 
Top