Hinglishpedia

Kandhe ka dard door karne ke gharelu upay aur nuskhe. Tips for shoulder pain in Hindi/Urdu.
Ghar ka kaam karne ya phir maansik tanaav aur din mein kai tarah ke kaam karne ke baad badan tootne sa lagta hain. Aisi situation mein shoulder pain (Kandho mein dard) hona lazmi hain. Har din kaam karne ke baad jyada thakaan hone par sabse jyada dard  kandho mein hota hain. Shoulders pain hone par aap baar baar doctor ke paas to nahi ja sakte hain, lekin kuch aise gharelu upay aur nuskhe, tips apna kar kandho ke dard se chutkara jaroor pa sakte hain. 

Sabse pahle yeh janiye ki aakhir kandho mein dard kyon hota hain. Thakaan ki wajah se sharir ki maanspeshiyan (Muscles) dard karne lagte hain, Unme tanaav aa jata hain aur kisi bhi tarah ke kaam karne ki power nahi rah jati hain. Aise mein sharir ko araam ki sakht jaroorat padti hain. 

Baar baar doctor ke paas jane se accha hain ki aap apni care khud kare aur halke dard hone par kuch home remedies ko apnaye. Agar aapko inse araam na lage aur aapko lagne lage ki problem kafi serious hain, aur pain normal nahi hain to doctor ke paas jaroor jaye. 

Janiye kandho ka dard (shoulder pain) door karne ke gharelu upay aur tips. 

• Rosemary :- Shoulder's pain mein yeh phool bahut jyada fayda karti hain. Iske liye aapko is phool ko ubaal kar iska kadha bana kar peena chahiye. 

• Araam kare :- Dard hone par bhi log lagatar kaam karte rahte hain, darasal veh kaam nahi kar rahe hote hain, balki apne liye musibat khada kar rahe hote hain. Jab bhi dard ho to kaam karne ki bajaye aaram kare. Aaram karne se body ko rahat milti hain.  Kahte hain araam haraam hain, lekin health se badhkar kuch bhi nahi hain, Aakhir jaan hain tabhi to jahan hain. Agar aapki sehat acchi rahegi to aap lakho rupaye kama sakte hain. Lekin agar sehat hi acchi nahi rahegi to lakho rupaye kamane ke baad bhi aapko khushi nahi hogi. 

• Barf ka istemal kare :- Kandho mein hone wale dard ke ilaj ke liye ice treatment bahut jyada fayda karta hain. Ice pack banaye aur usay dard wali jagah par rakhe. Barf ki senkaai karne se dard se rahat milti hain. Vaise bhi barf ke kuch khas fayde bhi hote hain. 

• Smoking na kare  :- Agar aap smoking karte hain to is buri aadat ko chhod de. Aisa karne se blood circulation sahi tarike se hoga aur blood ke sahi sanchaar se pain mein kafi relief milta hain. Isse aap dard se chutkara pa sakenge. 


• Massage kare  :- Halke haatho se kandho par massage karwaye. Isse aapko dard se kafi rahat milegi. Dard se rahat  paane ka yeh sabse accha tarika hota hain. Isse muscles ko araam milta hain aur blood ka circulation sahi tarike se hota hain. 

• Stretching kare :-   Kandho mein dard hone par stretching kare, isse pain mein rahat mahsoos hogi. Lekin bhaari wazan uthaane se bachna chahiye. 

• Shrugging :- Shrugging karne se shoulder muscles relax ho jati hain, Kyonki isse lactic acid balance ho jata hain, aur dard se rahat milne lagti hain. Aisa din mein kai baar karne se dard bilkul gayab ho jata hain. 

• Khane mein dhyaan de :- Kai baar kandhe mein dard hona muscles ki kamjori hone ki wajah se hota hain. Aise mein dard se chhutkara paane ke liye protein, vitamin aur calcium ka orally sewan kare. Isse aapko rahat milegi. 

• Pillow change kare  :- Kai baar galat takiya lagane se bhi kandho mein dard hone lagta hain. Kandhe mein dard hone par takiya na lagaye ya phir soft pillow ka istemal kare.  


loading...
 
Top