Hinglishpedia

0
Benefits of Black tea in Hindi/Urdu.
Hum sabhi logo ko chai peena bahut accha lagta hain. Chai kai kism ki hoti hain, Unhi mein se Black Tea (Kali Chai) ek hain. Agar aapko Black Tea peena pasand nahi hain to hum aapko kuch aisi wajahe batane ja rahe hain, jinko jaan lene ke baad aap kali chai ke mureed ho jayenge. Black Tea peene ke fayde bahut zyada hote hain. To der kis baat ki hain aap bhi janiye aakhir Black Tea (Kaali Chai) peene se hame kya-kya labh hote hain.

Benefits of Black Tea in Hindi/Urdu.

Black Tea peene ke fayde :-

1. Antioxidants se bharpoor :- Black tea mein polyphenols paye jate hain, Yeh Antioxidants DNA mein tobacco ya phir dusre zehreele chemicals se hone wale nuksan ko kam karne mein madad karte hain. Yeh Anti-Oxidants vegetables aur fruits mein paye jane wale Antioxidants se different hote hain. Isliye Black tea ko jaroor pijiye aur healthy rahiye.

2. Energy level badhati hain :- Is chaay mein paya jane wala Theophylline component kidney, heart aur fefdo ko active banaye rakhta hain. Is tarah ke compound heart ko healthy banaye rakhne mein madadgar hote hain.

3. Oral health banaye rakhe :- Black Tea mein Catechin Antioxidant paya jata hain, jo mooh ke cancer hone ke khatre ko kam karta hain. Black tea mein paye jane wale fluorides saanso ki badboo se ladte hain aur mooh mein cavity paida karne wale bacteria ko bhi khatm karte hain.

4. Cholesterol level kam kare :- Black Tea Triglyceride ke level ko kam karti hain. Isse kharab cholesterol (LDL) ka level kam hota hain, Jis wajah se dil se related bimariya hone ka khatra kam ho jata hain. Isse dhamniya bhi majboot aur sahi dhang se kaam karti hain.

5. Brain aur nervous system ke liye faydemand :- Agar koi aadmi ek mahine tak din mein 2 baar black tea rojana piye to Cortisol Hormone kam hota hain jisse tension ke level ko kam karne mein madad milti hain. Caffeine brain memory aur alertness ko badhane mein madad karta hain.

6. Diabetes ka khatra kam kare :- Ek search mein yeh paya gya ki jo log daily 1 ya 2 cup black tea peete hain, unme Type 2 Diabetes hone ka khatra 70% tak kam ho jata hain. Agar aapko shuruvaati diabetes hone ki problem hain to black tea peene se usay door kiya ja sakta hain. Bas aapko isme Chini nahi milani hogi.

7. Cancer se bachaye :- Jo log smoking ya phir dusre tobacco products ka istemal karte hain, black tea unhe mooh mein hone wale cancer se bachati hain. Black tea mein paye jane wale compound tumours ko badhne aur paida hone se rokte hain.

8. Haddiyo aur tissues ke liye faydemand :- Black tea mein powerful Phytochemical hote hain jo haddiyo aur tissues ko strong banane mein madadgar hote hain. Black tea pijiye aur apni haddiyo ko majboot banayiye.

9. Tension door bhagaye :- Black tea mein mann ko shant karne wale gun paye jate hain. Yeh aapko din bhar ki thakaan se bhi rahat pahuchata hain. Research se yeh saabit ho chuka hain ki Black tea mein paya jane wala Amino Acid L Theanine aapko aaram pahuchata hain aur aapki concentration ko bhi badhaata hain. Black tea ko regularly aur balanced quantity mein peene se Cortisol Hormone ke level mein giraavat aati hain, Jisse tension se aapko rahat milti hain.

10. Wajan ghatane mein useful :- Black tea mein Fat, Calorie aur Sodium kam quantity mein hote hain. Isliye agar aap wajan kam karne ki soch rahe hain to Black tea aapki madad kar sakti hain. Isme Calorie nahi hoti hain. Isse metabolism rate badhta hain, jisse weight loss karne mein madad milti hain.

11. Hajma durust banaye :- Black tea mein paye jane wala Tannin digestion mein faydemand hota hain. Yeh aanto aur pet ki kai bimariyo se ladne mein kargar hota hain aur isse kai saare medical effect padte hain. Black Tea peene se diarrhoea ko bhi door kiya ja sakta hain. Black tea mein paye jane wale Polyphenols aanto ki sujan ko kam karte hain. Aanto mein sujan hone ki wajah se irritable bowel syndrome ki bimari hoti hain. Isliye black tea piye aur aanto ko sehatmand banaye.

12. Happiness provide karti hain :- Black tea mein mauzood tatv aapko khushi dete hain. Ek cup black tea peene se aapka saara tension door ho jata hain. Ek cup black tea peene se aapki saari thakavat door ho jati hain. Ek cup black tea peene se aapke chehre par muskaan aa jati hain. Ek cup black tea peena maano aapke liye vardaan ki tarah hain.

13. Dil ko sehatmand banaye rakhe ;- Ek research se pata chala ki din mein 2 cup black tea peene wale logo mein stroke hone ka khatra 21% kam hota hain. Isme Flavonoid Antioxidants hote hain jo LDL Cholesterol ko oxidised hone se rokta hain.

14. Immune system majboot banaye :- Black tea mein paye jane wale tatv body ki immunity ko majboot banate hain. Jisse hamara sharir bimari paida karne wale bacteria aur virus se ladta hain.

Black Tea (Kali Chai) kaise banaye?

Black Tea banane ki vidhi (Recipe) :- 1 cup paani ko ubale, jab paani khaulne lage to aadha chammach chaipatti daale. Phir kuch der ke liye isme ubaal aane de. Agar jaroorat pade to aap isme 1 ya aadha chammach Chini bhi daal sakte hain. Phir uske baad chai jab ban kar taiyaar ho jaye to Nimbu ka ras mila kar piye.

Cold Black Tea :- Cold Black tea aapka natural Cold Drink ban sakta hain. Iske liye 1 cup paani ko boil kare, usme 1 chammach Chini daale, phir aadha chammach Chai patti daale. Phir ubaal aane ke baad usay thanda kare. Phir usme Nimbu ka ras milaye aur phir usme Ice ya burf ke tukade daale. Lijiye taiyaar hain aapki natural cold drink. Yeh sehat ke liye bahut hi acchi hain aur ise peene se cold drink (soft drink) ki tarah koi nuksaan bhi nahi hota hain.


Post a Comment

 
Top