Hinglishpedia

0
Ladko ko attractive dikhne ke liye kya karna chahiye?
Jyadatar men ko ruff & tuff mana jata hain, Lekin iska yeh matlab nahi hain ki unko apni looks par dhyaan dene ki jaroorat nahi hain. Aakhir purusho (Men) ko bhi Attractive aur Handsome dikhana jaroori hain. Aaj hum purusho (Men) ke liye attractive aur handsome dikhne ke liye kya karna chahiye uske baare mein batayenge. Mard (Gents) ko Attractive aur handsome dikhne ke liye jaroor follow karne chahiye yeh tips.

Attractive dikhne ke liye jaroor apnaye yeh tips.

○ Shaving :- Badi huyi dhaadhi ki wajah se aapki looks utni acchi nahi lagti hain. Isliye aapko regular taur par shaving karwate rahna chahiye. Agar aapki Eyebrow thick hain to perfect look ke liye oos par bhi dhyaan dena jaroori hain. Eyebrow ke extra baalo ko kisi saloon mein ja kar set karwaye. Vaise good looks paane ke liye aap halki dhaadhi rakh sakte hain. Lekin jyada badhi huyi dhaadhi ki wajah se aap attractive aur Handsome nahi dikhayi dete hain. Ek survey se pata chala ki ladies ko clean shave ke mukable halki halki dhaadhi rakhne wale purush jyada attract karte hain. Isliye dhaadhi rakhe, lekin bahut hi halka aur dhaadhi ke baal bahut hi chhote hone chahiye.



○ Perfume
:- Perfume ki manmohak khushboo aapke personality par chaar chaand laga deti hain, Is baat ka khyaal rakhna chahiye ki aapke perfume ki khushboo bahut zyada tez nahi honi chahiye. Halka perfume hi kafi hoga.



○ Skin ka khyaal rakhe :- Face Cleansing aur moisturizing karwana na bhoole. Handsome dikhne ke liye ise apne routine mein shamil kare. Body soap chehre ki skin ke liye hard hota hain, Isliye apni skin ke according facewash ka istemal kare. Chehre ko dhone ke baad moisturiser ka istemal karna bahut hi jaroori hain. Agar aapke lips phat rahe hain to Lip bam ka istemal kare. Iske saath hi ghar se bahar nikalte waqt sunblock jaroor lagana chahiye.


○ Accessories :- Shoes ke mutabik matching belt ka istemal karne se aapko perfect look dene ka kaam karta hain. Jaise ki for example aap samajh lijiye aapne brown colour ke shoes pahne hain to brown rang ki belt pahne. Goggles bhi aapko smart look dene mein bahut madad karte hain. Isliye stylish goggles ka istemal kare.


○ Cleanup aur Facial :- Skin ke dead cells, Blackheads aur Whiteheads ko hatane ke liye men ko bhi regularly cleanup aur facial karwana chahiye.


○ Hair Style :- Hamesha ek jaisa Hair style rakhne ki bajaye new hair style try karte rahe. Matlab ki apna hair style waqt ke hisaab se change karte rahe. Iske alawa hair stylist ki salah se aisa new hair style choose kare jo aapke face ko attractive look de. Aakhir handsome dikhenge tabhi to ladkiya aapki aor attract hongi. 


Post a Comment

 
Top