Hinglishpedia

0
Packaged Fruit Juice peene ke nuksan (Side-effects)
Aaj kal dekha ja raha hain ki log breakfast mein juice ke taur par bazaar mein milne wala packaged fruit juice ko peena pasand kar rahe hain. Kabhi mooh ka taste badalne ke liye ise bina bura nahi hain. Lekin Inhe natural fruits ki jagah de dena bilkul bhi sahi nahi hain. Yeh packaged fruit juice sehat ko fayda pahuchane ki bajaye nuksan bhi pahucha sakte hain. Packaged Juice mein 100% Fruit ka juice nahi hota hain. Iske alawa Packaged Juice mein kai tarah ke gun nahi paye jate hain. Aaiye jante hain Packaged Juice (Dibba-band Juice) peene ke nuksan ke bare mein (side-effects of packaged fruits juice in Hindi/Urdu.) :-

1. Diabetes mein nuksaandeh :- Diabetes ke mareezo ko yeh packet wala juice bilkul bhi nahi peena chahiye. Darasal yeh refined sugar se bane huye hote hain, Jo diabetic logo ke liye theek nahi hain. Agar inke label par “Sugar-Free” bhi likha ho, tab bhi inhe peene se bachna chahiye. Meethe phal aur Gajar ya Chukandar jaise High sugar vegetables Juice ke roop mein Blood sugar level ko badha dete hain. Yeh diabetes aur blood glucose disorder ke liye hanikarak hote hain.



2. Artificial Colour :- Natural Fruits mein artificial rang nahi mila hota hain, Lekin packet juice mein artificial color ka istemal kiya jata hain, Jisse veh dikhne mein phal ke rang ka juice lage. Yeh bazaaroo rang sharir ke liye bahut zyada nuksaandeh hote hain, Kyonki jab aap iska sewan karenge toh aapki jeebh par yeh rang dikhenge.



3. Fiber nahi hota :- Packaged Juice banate waqt bahut se phalo ke juice ko ubaala jata hain, taki unme paye jane wale bacteria khatm ho jaye. Issi ke saath isme Vitamin aur natural tatv bhi khatm ho jate hain. Is Packaged juice mein fiber ya guda nahi hota hain, Kyonki usay nikaal diya jata hain.


4. Pet ki problems :- Kuch phalo mein sorbitol Jaisi Sugar mauzood hoti hain, Jo asaani se hajam nahi hoti hain. Aise mein packaged juice ki wajah se pet ki problems ka saamna bhi karna pad sakta hain. Nashpati, Sweet Cherry aur Seb kuch phalo mein aisi hi sugar mauzood hoti hain. Aise mein in fruits ke packaged juice peene se gas, pet mein marod aur diarrhoea ki problem dekhne ko milti hain. Aise juice ko pachane mein baccho ko zyada problem aati hain.


5. Aniyamit Blood sugar :- Packaged juice mein phalo ke chhilko ka satt nahi hota, Isliye inse body ko natural fiber nahi mil pata hain. Saabut phalo aur sabziyo ko pachane mein sharir jitna samay milta hain, Usse kanhi kam samay mein sharir juice ko jajb kar leta hain. Iski wajah se blood sugar level bhi turant badh jata hain.


6. Motapa badhta hain :- Packaged juice mein bahut zyada chini hoti hain jo ki ise calorie mein jyada banata hain. Aise mein wajan kam karne ki saari koshishe bekar ho jati hain. Experts bhi maante hain ki natural phal aur sabziyo ke mukable packaged juice lene se wajan jyada badhta hain.


Post a Comment

 
Top