Hinglishpedia

0
IAS exam ko crack karne ki tips.
Agar aap Civil Services Exam (UPSC) IAS ki taiyaari kar rahe hain toh exam clear karne ke liye aapko kisi coaching ki jaroorat nahi hain. Iske liye aap chahe toh self assessment se bhi exam clear kar sakte hain. Khas karke samay ki kami ke liye jaroori hain ek strategy banaye aur usi ke according apni taiyaari kare. Aisa dekhte huye kuch questions ko solve karne ki practise kare. Aaiye jante hain kuch aise tips jo IAS ke exam ko crack karne ke liye aapke liye helpful honge. 


1. Regularly Newspaper padhe :- Candidates ko exam mein success paane ke liye acche se rojana 2-3 Newspaper ko padhna chahiye. Akhbaar se desh-duniya, Sports, Cinema jagat ki jankari to milti hi hain, Saath hi editor’s choice se zyadatar subjects ke bare mein vistaar se pata chalta hain.



2. Notes ki help le :- Topics ki acche tarike se padhai karne ke liye jaroori hain aap usse related notes banaye. Notes ki help se aap syllabus ko ek nazar mein revised kar sakte hain.


3. Ratne se accha hain subject ko samjhe :- Agar aap kisi subject ko ratt rahe hain toh kuch time ke baad aap usay bhool jayenge. Isliye ghatnao ko analysis karne ki aadat dale. Isse aap hamesha usay yaad rakhenge. Iske liye aap Internet ki madad le sakte hain aur ghatnao ke aage aur peeche ke bare mein puri jankari hasil karke analyse kar sakte hain.


4. Iconology, Environments, Arts aur Culture par karna hoga focus :- Candidates ko Iconology, environments, arts aur culture par focus karna hoga. In sabhi topics ki acche se taiyaari karni hogi, khas karke inki study ke liye aise notes banaye, jinme subject ke bare mein full details ke saath samjhaya gya ho.


5. Apne basic clear rakhe :- Candidates ko badle huye pattern ke saath apne basic clear karne honge. Civil Services Pre Exam ke candidates ko basic par kafi mehnat karni hogi.


6. Mock test paper se kare taiyaari :- Students mock test paper aur previous years ke papers se taiyaari kar sakte hain. Mak test se taiyaari kar aap apni speed toh badha hi sakte hain, balki iski madad se questions ko jaldi solve karne ki samajh bhi badhti hain.


7. NCERT ki books jaroor padhe :- Civil Services Exam ki taiyaari kar rahe students ko NCERT ki books jaroor padhni chahiye. Aap in kitaabo ki short notes bhi bana sakte hain.


8. Sahi books ka chayan kare ;- Kai saari books padhne se accha hain ki ek aise quality ki kitaab padhe, Jisse aapke basic concepts clear ho jaye.


Post a Comment

 
Top