Hinglishpedia

0
Makeup removal tips in Hindi/Urdu.
Party ke baad makeup ko hatana bahut jaroori hota hain, agar party ke baad makeup na hataya jaye toh skin pores ko band kar deta hain. Saath hi makeup mein mauzood chemicals skin ko nuksan bhi pahuchate hain. Isliye sone se pahle makeup utaarna bahut jaroori hain. Makeup kaise hataye? How remove make from face & eyes in Hindi/Urdu?

Yeh hain aankho aur chehre par se makeup hatane ke kuch asaan tips (Makeup removal tips in Hindi/Urdu.) :-

1. Ghar par ek accha instant makeup remover banaya ja sakta hain, jiska koi side-effect bhi nahi hota hoga. 2 chammach Gulab jal mein kuch boonde baby oil aur 3 se 4 boond nimbu ka ras milaye. Is misharan ko cotton ball mein lagakar chehra saaf kare. Yeh skin ko saaf karta hain aur makeup ko acchi tarah se hatata hain. Saath hi dhool-gandagi ko baariki se saaf kar deta hain.



2. Taaze doodh mein thoda sa Nimbu ka ras mila kar ise cleanser ke roop mein istemal kiya ja sakta hain. Yeh chehra saaf jaroor karta hain, Lekin oily skin ke liye yeh accha upay nahi hain. Oily skin ke liye isme thoda Dahi ka paani milaya ja sakta hain.


3. Bazaar mein bahut tarah ke cleanser aur makeup remover available hain. Inhe khareedne se pahle puri tarah se yeh jaanch le ki usme Alcohol na ho. Alcohol skin ke liye nuksaandayak hota hain. Yeh istemal ke kuch din tak fresh look dete hain, lekin phir skin ko dry bana dete hain.


4. Makeup hatane ke baad skin ko tone up karne ke liye tonner lagaye. Uske baad moisturizer lagaye, taki kudarati nami bani rahe. Niyamit cleaning , toning aur moisturising se skin kisi bhi tarah ki samsya se door rahti hain aur lambe samay tak swasth rahti hain. Ise apne routine bana le, taki aapki skin hamesha sunder aur swasth bani rahe.


5. Makeup hatane ke liye jo bhi product istemal kare, Usay cotton ball ki sahayata se hi saaf kare. Chehre aur Gardan ko thapthapate huye saaf kare. Agar ek baar aisa karne se makeup saaf na ho toh dobara cotton ball geela karke chehra saaf kare.


Aankhein kafi sensitive hoti hain aur unhe khas dekhbhaal ki jaroorat hoti hain. Foundation, Lipstick jaise water best facial makeup kisi bhi acche cleanser se asaani se saaf kiye ja sakte hain, Lekin Eye makeup jaise liner – kajal aur maskaara ko hatane ke liye alag remover ki jaroorat hoti hain. Iske liye makeup remover solution mein adhik oil hona chahiye.

Eye makeup hatane ki kuch tips :-

1. Eye makeup hatane ke liye homemade cleanser bhi banaya ja sakta hain. Cleanser banane ke liye castor oil, Olive Oil aur Canola Oil ko barabar matra mein milaye. Ab is mishran ko tissue paper ya cotton ball mein thoda sa lekar aankho ko saaf kare.


2. Eye makeup ko hatane ke liye baby oil aur baby lotion ka bhi istemal kiya ja sakta hain. Agar aap makeup ka istemal nahi karti hain tab bhi aap tavcha ko niyamit roop se mild cleanser se saaf karna jaroori hain. Taki dhool-mitti gandagi saaf ho jaye. Aisa karne se tavcha mein kisi tarah ki jalan, acne aur pimples nahi hote hain.


3. Aankho ka makeup hatane ke liye sabse pahle dhyaan rakhe ki aapke haath puri tarah se saaf ho. Liner aur maskaara hatate samay halke haatho se saaf kare.


Post a Comment

 
Top