Hinglishpedia

Delivery ke baad  baalo ka girna/Jhadna rokne ke tips.
Delivery ke baad agar aapke baal jhad rahe hain toh aap kuch gharelu upay aur nuskhe apna ka ise door kar sakte hain. Delivery ke baad aksar mahilaon ke baal girne shuru ho jate hain. Hair fall after pregnancy tips in Hindi/Urdu.

Prasav ke baad aksar mahilaon ke saamne baal jhadne ki samsya aati hain. Halaki iske liye kai tarah ki medicine bhi available hain, lekin jab mahila baby ko breastfeeding karwa rahi ho , tab isse bachne ki salah di jati hain. Aise mein kuch gharelu upay se delivery ke baad baalo ko girne ki samsya ko kafi hud tak kam kiya ja sakta hain. .

1. Yeh bahut hi jaroori hain ki aapki body ko sahi matra mein Vitamins aur dusre poshak tatv mile. Delivery ke dauran aapki body mein kai tarah ke changes aate hain, Vitamins usay balance karne ka kaam karti hain.

2. Agar aap baal colour karti hain toh saavdhaani baratne ki jaroorat hain. Baalo mein kisi bhi cosmetic color ka istemal karne se behtar hain ki aap mehndi ka istemal kare.

3. Aapki diet acchi aur healthy hona bahut hi jaroori hain. Delivery ke baad vaise bhi woman ko poshak tatvo se bharpoor food khane ki salah di jati hain. Aapki diet mein fruits aur vegetables ki quantity jitni zyada hogi, aap utni jaldi apne roop mein laut sakengi aur aapke baal bhi majboot banenge.

4. Baalo ke tootne ki wajah galat kanghi ka istemal bhi hota hain. Kanghi ka chunaav karte waqt yeh khyaal rakhe ki veh mote daant wali aur majboot ho. Baalo ko sulajhane ke dauran halke haath se kanghi kare. Bilkul geele baalo par kanghi karne se bache.

5. Aisi kisi bhi hair style se bache jisme baal tootne ka zyada khatra ho. Ho sake toh easy se easy hair style hi use kare. Baalo ko jaroorat se zyada hair pin , Phasne wale rubber band, Judaa-pin, Culture aadi ka istemal karne se parhez kare.

6. Baal dhone se pahle kisi aise shampoo ko choose kare toh high quality wala ho. Moisturise karne wale aur scalp ko majbooti dene wale shampoo ko choone.

7. Agar aapki diet acchi hain toh aapko koi bhi medicine khane ki jaroorat nahi hain. Baalo ka jhadna rokne wale ya baalo ko badhane wale kisi bhi dawaa se parhez karna chahiye. Kai baar yeh dangerous saabit hote hain.
loading...


 
Top