Hinglishpedia

0
Pregnancy ke samay peeth dard.
Pregnancy ke waqt mahilaon ko kai tarah ki problems ka saamna karna padta hain. Isi problems mein ek hain peeth ka dard. Is problem ka main reason hormone mein badlaav hain. Jyadatar pregnant women ko pregnancy ki shuruvaati daur mein hi yeh problem paida hoti hain.

Peeth dard ek bahut hi badi samsya hoti hain. Ek normal insaan ko agar yeh problem ho jaye toh veh na toh theek se baith sakta hain aur na hi kuch kar pata hain. Toh sochiye pregnant woman ke liye kitna mushkil ho jata hain, Jiski wajah se veh koi kaam nahi kar paati hain. Isse inko kai problems se gujarna padta hain.

Veh sharirik ya phir maansik ho sakta hain. Agar aapko ya phir aapke aas-paas kisi pregnant mahila ko peeth dard (back pain) ki samsya ho toh in upay se aap peeth dard se nijat pa sakte hain. Janiye in upay ke bare mein :-

Exercise bhi hain faydemand :- Vaise toh yoga karna pregnant woman ke liye kafi faydemand hain. Agar aapko peeth dard ki problem hain toh thoda sa apna waqt exercise karne ke liye nikaale. Lekin is baat ka khayaal rakhe ki exercise halki ho jyada bhaari karne se aapko nuksaan ho sakta hain.

Halki exercise karne se aapke ander sfoorti aayegi, saath hi din bhar thakaan mahsoos nahi hogi. Vahi muscles mein lachilapan bhi aayega. Jisse aapka peeth dard sahi ho jayega.

Bhaari wajan uthaane ki koshish na kare :- Pregnancy ke waqt kabhi bhi bhaari samaan ko nahi uthana chahiye. Isse aapko peeth dard ki samsya ho sakti hain. Iske saath hi hone wale bacche ko bhi preshani ho sakti hain, Kyonki jab aap wajan uthate hain toh aapki maanspeshiyo mein khichaav hota hain. Jisse aapko peeth dard ki shikayat ho sakti hain. Isliye bhaari wajan nahi uthana chahiye.

Massage karna rahta hain sahi :- Agar aapko ya kisi bhi pregnant mahila ko peeth dard ki samsya hain toh iske liye aap usay massage ki salah de. Isse aapko peeth dard mein fayda mil jayega. Lekin is baat ka dhyaan rahe ki acupressure points par halki massage kare.

Posture par dhyaan de
:- Pregnancy ke time is baat ka dhyaan dena bahut hi jaroori hain ki jab aap kanhi bhi baithe aapka posture theek ho. Pairo ko upar chadha kar kabhi na baithe aur na hi kursi par zyada der ke liye baithe, isse aapki reedh ki haddi akad jayegi, jiski wajah se aapka dard badh sakta hain. Isliye jab bhi kursi mein baithe toh oos samay footrest ka istemal karna sahi hoga. Jisse aapko peeth dard se kafi rahat milegi.


Post a Comment

 
Top