Hinglishpedia

Rashes in Summer.
Garmi ka mausam aate hi jyadatar logo ko skin se related problems paida hone lagti hain. Aise mein jaroori hain ki aap is mausam mein sajag rahe. Kai baar dhyaan na dene par chhote fode ya funsi badi preshani paida karte hain. Kuch logo ko garmi ki wajah se aankho, sar aur chehre par red-yellow badi funsiya hone ki problem hoti hain.

Jab yeh funsiya pak kar footati hain, toh infection phailne ka khatra hota hain. Iske alawa inki skin oily hain, unko toh garmi ke mausam mein aur jyada pimples ho jate hain. Yeh funsiya dard, jalan, khujali jaisi problems deti hain. Agar aap saaf-safaai ka dhyaan nahi rakhte hain toh yeh badh kar aur bhi gambhir ho jate hain.

Garmi ke mausam mein funsiyo se bachne ke liye in baato ka rakhe dhyaan :-


 Garmi ho koi bhi mausam , Saaf paani se nahana sabse jaroori baat hain. Isse sharir mein lagi dhool-mitti aur paseene ki gandagi saaf ho jati hain. Yahi nahi paani body ke temperature ko control karne mein bhi help karta hain. Saath hi is mausam mein jyada paani peene ki koshish kare. Isse body ke ander ki safai ho jati hain.

Koshish kare ki khane mein jyada fresh fruits aur salad khaya jaye. Saath hi Oily aur garam cheezo ko khane se bache. Exercise jaroor kare aur morning ko fresh air jaroor le. Jim ya dusri exercise karne ke baad paseena aane par oos paseene ko saaf kapde se pochhe. Iske baad acchi tarah se nahaye.

Garmi ke mausam mein cotton ya paseena sokhne wale kapde pahne. Agar ho sake toh din mein 2 time nahaye. Nahane ke paani mein Antiseptic aur dusre infection se bachane wale oil ko daalne se paseene ki badboo se bacha ja sakta hain, Aise upay ko aap ajmaye.

Agar aapko kisi tarah ke infection ki tendency hain ya aapki family history hain toh doctor se salah jaroor le. Agar 3-4 din mein fode-funsi theek na ho toh doctor se contact kare. Mango se hone wale infection se bachne ke liye mangoes ko khane se pahle unhe acchi tarah se dho le aur saavdhaani se uska upari bhaag jise chop kaha jata hain ko hatane ki aadat dale. Haatho ko hamesha saaf rakhe aur haath dhone ki aadat dale. Saath hi undergarments aur kapdo ko saaf rakhe. Yeh bhi infection ki wajah ban jate hain.

Paseena, Pollution aadi se bache :-

Garmi ke mausam mein paseena fode-funsi aur rashes hone ki wajah ban sakta hain. Lagatar aane wale paseene se ek jagah par hua infection dusri jagah par pahuch jata hain. Iske alawa direct sun rays ya tez garmi ke contact mein aane, dhool-dhuaan, kisi kharab cosmetic se , galat material ke kapde pahanne se bhi fode-funsi ho sakte hain.

Ghamauriya toh is mausam mein aam si baat hain. Kai baar logo Mango ko galat tarike se khate hain, jisse unke chehre par ghaav jaise nishaan paida ho jate hain. In sabhi ki wajah mausam ka badha hua temperature hain. Aapko pollution aadi se bhi bach kar rahna chahiye.
loading...


 
Top