Hinglishpedia

0
Burf ke fayde (Benefits of Ice in Hindi)
Burf sabhi ko accha lagta hain aur garmi se rahat paane ke liye hum barf ka istemal karte hain. Burf ka naam sunte hi aapke mann mein Ice cubes se bhari koi drink ya thanda paani hi yaad aata hain. Burf ke chote-chote tukade ek aam si dikhne wali drink ko kafi refreshing bana dete hain. Garmiyo ke dino mein ek glass burf wala thanda paani aapko taro-taaza kar deta hain. In sabke alawa yeh ice cube aur  bhi kai kamaal kar sakti hain. Kya aapko maloom hain ki burf ke aur bhi fayde hote hain. Aaj hum aapko burf ke kuch aise hi faydo ke baare mein batayenge, jinhe jaankar aapko accha lagega. Burf ke fayde (Benefits of  Ice in Hindi/Urdu) :- 

Body ki immunity badhaye  :- Thande paani mein baithne bhar se body mein white blood cells ki quantity increase hoti hain. Yeh cells aise hain jo infection ko door rakhne mein madad karti hain. Iske alawa burf ke paani mein nahane walo ko garm paani mein nahane wale logo ke mukable Jukaam ki shikayat kam hoti hain. 

Gathiya rog mein :- Gathiya ke dard ko door karne ke liye dard  wale hisse par burf ka tukada 2 minutes tak rakhe, Phir hata de. 2 minute baad  phir usi jagah par burf ka tukada rakhe. Aisa aap 8-10 baar kare. Isse dard se rahat milti hain. 

Accha feel karwata hain :- Barf ke paani se nahane se skin ke ander ke sense active hote hain. Jisse heart rate ke saath saath Adrenaline (Exciting situation mein paida hone wala hormone) ko bhi badhaati hain, Jisse aap good feel karte hain. 

Nakseer mein :- Naak se khoon nikalne  par burf ko kisi kapde mein lekar naak ke upar  chaaro aor rakhe. Thodi der mein khoon nikalna band ho jayega. 

Glowing skin ke liye :- Garm paani aapki skin se jaroori oils ko door karta hain, Lekin Ice cubes ko ragande se isse puri tarah opposite effect hota hain. Chehre par ice cubes ragadne se khoon ka bahaav skin ke neeche tak asaani se hota hain, Jisse tavcha mein chamak aati hain. 

Dard kam kare :- Aapke dimaag ka dhyaan dusri aor karke burf  aapko dard se rahat dilata hain. Yahi wajah hain ki rugby ke players match khelne ke baath ice bath karte hain. 

Chot lagne par :- Kisi bhi tarah ki androoni chot lagne par turant burf malne se khoon jamne ki aashanka nahi rahti hain. Dard bhi kam hota hain. 

Calorie burn kare :- Sharir par burf ke paani ki bhari baalti daalne se sharir turant apne normal temperature  par vaapis aane ke liye kaam shuru kar deta hain. Aisa karte huye aapke body ka metabolism 550% tak badh jata hain, Jiske results ke taur par body ki extra calorie burn hoti hain. 

 Jalne par :- Jal jaane par turant burf ka tukada lekar jale huye jagah par ise malne se jalan se rahat milti hain aur isse chhale ya phaphole nahi padte hain. 

Happy rahne mein help karta hain :- Ice Cream khane se aadmi ke dimaag  ki prefrontal cortex active ho jata hain, Jisse aapko khushi mahsoos hoti hain. Toh agar Ice cream aapko khush kar sakti hain toh aap burf  se bhara paani ka glass bhi pee sakte hain. 

•  Moch aane par :- Moch aane par oos jagah par turant burf lagane se sujan nahi aati hain. 

Sex life ke liye :- Sex life ko interesting banane ke liye bed par garm hona jaroori hota hain, Lekin aisa karne ke liye aapko pahle thoda cool hona padta hain. Barf ke paani mein nahane se sharir mein Sex hormone, testosterone aur estrogen ke level mein badhotari hoti hain. 

Gale mein kharaash :- Gale mein kharaash hone par burf ka tukada lekar gale ke baahar dheere-dheere malne par kharaash mein rahat milti hain. 

Khoon bahne par :- Chot lagne ki wajah se agar khoon bah raha ho aur  kisi bhi tarah se khoon rook nahi raha ho toh aise mein oos jagah par burf ki patti baandh de. Isse khoon bahna band  ho jayega.  

Baalo ki chamak badhaye :- Thande paani se baalo ko dhona asaan kaam nahi hota hain, Lekin thande paani se baalo ko dhone se yeh aur bhi chamakdaar ban jate hain. Burf ke thande paani se baalo ko dhone se yeh cuticle flat ho jate hain, Jisse baal bahut zyada shining ho jate hain. 


Post a Comment

 
Top