Hinglishpedia

Arahar (Toor/Tuar/Lentil/Pigeon Pea) Benefits in Hindi.
Arhar (Arahar/Toor/Tuar) ki Daal khane se kya fayde hote hain?

Daalo ko protein ka good source mana jata hain. Arhar ki daal India mein bahut hi chaav ke saath khayi jati hain. Arahar ki Daal ko Toor daal bhi kaha jata hain.

Arhar ki daal ko khane se body ko kai nutrients jaise Protein, Fat, Carbohydrates jaise poshak tatvo ki prapti hoti hain. Arhar ki daal Protein aur Fiber ka bahut bada source hain. Saath hi cholesterol free hain. Arahar ki daal ko chawal ke saath khane se Protein ki kami nahi rahti hain.

Arahar ki daal Iron, Folic Acid, Calcium, Magnesium, Potassium, vitamin B aur Minerals ki kami ko pura karta hain.

Arahar (Toor/Tuar) daal khane ke bade hi fayde hote hain. Toor daal mein mauzood folic acid mahilaon ko bahut zyada fayda pahuchata hain. Yeh ladies ke liye vitamins ka bahut hi accha source hain. Khastaur par pregnant woman ke liye yeh bahut hi accha mana jata hain. Ek research ke mutabik bharpoor matra mein folic acid lene se dimaag aur reedh ki haddiyo se related bimariyo se bacha ja sakta hain.

Arahar ki daal Carbohydrates ka accha source hain, Jisse sharir ko energy milti hain. Jab bhi aap Carbohydrates wale food khate hain toh yeh sharir mein jakar glucose ya blood sugar mein break ho jata hain. Iske baad blood sugar iss body, dimaag aur nervous system ko energy deta hain.

Toor daal fiber ka accha source hain, Jisse kabz se chhutkara milta hain. Fiber wali diet lene se Chronic Disease nahi hoti hain. Niyamit roop se Fiber wali diet khane se Dil se related bimariya, Stroke aur kai tarah ke cancer, Cardiovascular disease aur Type 2 Diabetes se bacha ja sakta hain.

Daal ke roop mein istemal kiye jane wali sabhi dalhano mein Arhar ka ahem mukaam hain. Aarahar ko Toor ya Tuar daal bhi bola jata hain. Iska Scientific Name Cajanus cajan hain. Ise English mein Pigeon Pea aur Lentil bhi kaha jata hain. Iske kacche daano ko ubaal kar tadka laga kar daal banayi jati hain.

Kai jagaho par log Arahar ki hari-hari phaliyo me se daane nikaal kar unhe tavey par bhoon kar bhooje ki tarah khate hain. Yeh tasty hone ke saath-saath paushtik bhi hoti hain.

Aapne abhi tak jana ki Arahar (Arhar/toor/Tuar/Pigeon Pea) daal ko niyamit roop se khane se hame kya-kya fayde hote hain. Chaliye jante hain Arhar ki daal se jude kuch asardaar gharelu nuskhe ke bare mein :-

• Daant dard ki shikayat hone par Arahar ke patto ka kadha bana kar kulla karne se daant ka dard khatm ho jata hain.

• Jyada paseena aane ki problem hone par Ek mutthi Arahar ki daal, Ek chammach Namak aur Aadha chammach peesi huyi Sonth lekar sarso ke tel mein bhoone. Phir is tel se sharir ki maalish kare. Zyada paseena aane ki problem door ho jayegi.

• Arahar ke paudhe ki komal dandiyo, Patto ko doodh dene wale jaanwaro ko khilane se doodh dene wale pashu zyada doodh dete hain.

• Bhaang ka nasha utaarne ke liye Arahar ki kacchi daal ko paani mein pees kar nashe se preshan insaan ko pilana chahiye. Jisse uska nasha utar jata hain.

• Herbal experts mante hain ki Arahar ke patto aur daalo ko ek saath pees kar halka sa garm karke delivery ke baad mahila ke stan par lagane se uske doodh ka bahna normal ho jata hain.

• Arahar ke patto aur Doob Ghaas ka ras barabar matra mein mila kar naak mein daalne se migraine mein fayda milta hain.

• Arahar ki chhilko wali daal ko paani mein bhigo kar raat bhar rakh de, Subah is paani se kulla karne se mooh ke chhale theek ho jate hain.

• Arahar ki komal pattiyo ko pees kar ghaav ya jakhmo par lagane se ghaav jaldi sookhne lagta hain aur pakta bhi nahi hain.
loading...


 
Top