Tight kapde pahanne ke nuksaan.

Tight cloth nahi pahanna chahiyeTight kapde pahanna mano aaj kal ka fashion hain. Tang (tight) kapde pahanne se sehat se judi preshaniya paida hoti hain. Ladies ho ya Gents dono mein hi tight cloth pahanne ka craze hain, lekin din bhar is tarah ke kapde pahanne se aapka pura sharir saans lene ki stithi mein nahi hota hain. Jo cheeze dikhne mein acchi hoti hain, veh jaroori nahi hain ki aapki sehat ke liye bhi acchi ho. Aaiye jante hain tang kapde pahanne se aapki sehat ko kya kya nuksan ho sakte hain (side-effects of wearing tight clothes in body) :- 


Pet dard :- Kai baar hum aise kapde pahanante hain jo hamare pet se chipke hote hain. Yeh hamare pet par pressure daalte hain aur bahut jyada dard hone ki wajah bante hain. Isse Acid reflux ki shikayat bhi ho jati hain aur tez jalan mahsoos hoti hain. Tight kapde pahanne ki wajah se hajme par bhi asar padta hain. Isliye aise kapde aur belt na pahne jo pet par pressure daalte ho.

Behoshi :- Youth ko slim fit wale cloth bahut jyada pasand aate hain. Lagatar is tarah ke kapde pahanne se saans lene mein preshani hoti hain aur paseena teji ke saath nikalta hain. Is tarah ki situation behoshi hone ki wajah banti hain. Bahut jyada tight T-shirt ya jyada tight kapde na pahne.

Tingling Thigh Syndrome :- Tingling thigh syndrome ek aam tarah ka nerve disorder hain jo tight Jeans pahanne ki wajah se hoti hain. Skin tight jeans jaangh ki naso ko daba deti hain, jisse jhanjhanahat, sunnpan ya jalan mahsoos hoti hain.

Candida Yeast infection :- Yeh infection body ke khas parts mein phailta hain, khas karke oos jagah par jaha jyada nami hoti hain aur veh jyada garm hota ho. Iski wajah se khujali aur dard mahsoos hota hain. Is infection hone ki mukhya wajaho mein se ek hain skin tight pant, kyonki yeh hawa ke sanchaar ko rokta hain aur yeast ke nirmaan ko badhawa deta hain.

Back Pain :- Low West tight jeans ka chalan bahut tezi ke saath badh raha hain. Lekin is tarah ke kapde hamari peeth ki sehat ko bigaadne ka kaam karte hain. Is tarah ki jeans hamare back muscles ko dabaate hain aur hamare hip bones ke movement ko baadhit karte hain. Yeh hamare spine aur back par dabaav daalte hain, jisse ki bahut jyada dard mahsoos hota hain. Isliye is tarah ke kapde pahanne se bachna chahiye.

You May also like :-