Hinglishpedia

1
Home remedies for T.B. in Hindi.

Duniya bhar mein har saal 24 march ko world T.B. Day manaya jata hain. T.B. ek aisi bimari hain jisse hamare desh ke yuva aur kaamkaji log prabhavit hain. Yeh desh ki badkismati hain ki aaj bhi is bimari se  har  2 minutes mein ek aadmi ki death hoti hain. 

Is bimari ke ilaj aur jagoorakta  phailaane  ki  bahut jyada jaroorat hain. Aaj hum aapko T.B. ke ilaj (upchar) ke liye kuch gharelu nuskhe aur upay batayenge. Agar T.B. ka ilaj nahi kiya gya toh insaan ki maut tak ho sakti hain. 

Koi bhi gharelu ilaj aur nuskha tab tak kaam karta hain jab tak aap accha parhez aur niyamit taur par batai gyi gharelu dawaai lete hain. Agar  yeh bimari jyada  badh gyi ho toh Doctor se sampark kare. Vaise toh sarkari hospital aadi mein Dots ka  course  karke  ise  khatm kiya ja sakta hain. Lekin kuch gharelu nuskhe bhi ajmaye ja sakte hain, jisse  T.B. ke mareez  ko jaroor fayda hoga. 

T.B. ke liye  gharelu nuskhe :- (Home remedies  for T.B. treatment in Hindi/Urdu)

  • Orange  :- Ek glass fresh orange  juice mein ek chutki namak aur 1 chammach shahad mix karke piye. Ise din mein 2 baar  piye. 
  • Pudina :- Isme Anti-Bacterial gun hota  hain jo cough se nijaat dilata hain. Yeh fefdo ko bhi kharab hone se bachata hain. Aadha cup Gajar ke juice mein, 1 chammach Pudine ka ras, 2 chammach Shahad aur 2 chammach shuddh Sirka milaye. Is mixture ko  3 hisso mein baant le aur har ek ghante  mein piye. 
  • Sahajan :- Yeh T.B. paida karne  wale bacteria se chhutkara dilata hain. Yeh fefdo ki sujan ko kam karta hain aur infection se rahat  dilata hain. Aap Sahajan ki mutthi bhar pattiyo ko 1 cup paani mein 5 minutes ke liye garam karke  thanda hone ke baad, usme Namak, Mirch aur Nimbu nichod kar  rogi ko peene ke liye de sakte hain. Ise rojana subah khali pet peena chahiye. Iske alawa ubali sahijan ka rojana sewan karne se bhi rahat  milti hain. 
  •  Green Tea :- Green tea ko paani mein acchi tarah se ubaal kar piye. Yeh oos bacteria ka khaatma karti hain jo  T.B. ko paida karta hain. Saath hi yeh hamari  immunity ko bhi badhati hain. 
  • Lahsun :- Yeh bacteria ka khatma karti hain. Isme Anti-Bacterial gun hote hain, saath hi yeh rog-pratirodhak kshamta ko bhi badhaati hain. Ise kaccha ya paka kar khana dono tarah se faydemand rahta hain. Ise khane ka ek tarika yeh bhi hain ki 10 Lahsun ki kaliyo ko ek cup doodh mein ubaal le. Phir ubli huyi kaliyo ko chaba  kar kha le aur upar se  doodh pee le. Aisa kuch dino tak kare. Paani na piye, nahi toh yeh asar nahi karega.
  • Sitaphal :- Ek cup paani mein Sitaphal (Shareefa) ke gude ko 25 Kishmish ke saath ubaale. Jab tak paani 1/3 naa ho jaye, tab tak ise  pakate rahe. Phir is mixture  ko chhaan le aur usme 2 chote  chammach chini aur chutaki bhar Elaichi powder milaye. Thanda karke din mein 2 baar roj piye.
  • Amla :- Yeh body ko poshan pahucha kar usay strong banata hain. Iska juice neekal kar usme 1 chammach shahad mila kar rojana khali pet peene se yeh bimari  door hoti hain. 
  • Kali Mirch :- Kali Mirch fefdo ki safaai karti hain aur T.B. ki wajah se hone wale dard  ko kam karti hain. 10 Kali mirch ke daane ko Ghee ke saath fry karle. Phir usme  1 chutaki Hing powder daal kar mix karle aur phir thanda kare. Is  mixture ko 3 hisso mein baante aur har ek dose 1 ghante mein chabaaye. 
  • Kela :- Kela mein bahut hi acchi matra mein calcium paya jata hain, Jisse T.B. ke rogiyo ki immunity power badhti hain. Yeh cough aur bukhaar  ko door  bhagata hain. T.B. ke mareez ko roj 1 glass kacche kele ka juice pilana chahiye. 


 


Post a Comment

  1. Kya tb ki bimrai me sex kiya ja Santa ya hustmutan bhi ha or nahi to KB tak nahi.mujhai gale me ganth ki tb hai plz ans

    ReplyDelete

 
Top