Hinglishpedia

0
Benefits of Oil massage for hair.
Baalo ka jhadna ho, asamay safed hona, dandruff, infection hone jaisi problems ka saamna aap sabhi ne  kabhi na kabhi toh jaroor hi kiya hoga.  Baalo ke health  ke liye log tarah tarah  ke mahange  treatment karwate hain aur in treatment  ke effect  ke liye unhe  lamba intezaar  bhi karna padta hain. In sabhi problems  se  chhutkara  paane  ke  liye  aapko mehange  hair treatment ki jaroorat  nahi hain, bas aap rojana apne  baalo ko tel se malish kare aur  dekhiye  iske  gajab  ke results. Aaj ki post mein hum aapko batane  ja rahe hain ki daily baalo ko tel se  massage  karne par isse aapke  baalo ko kya kya fayde hote hain. 

Rojana baalo ko tel  se maalish  karne  ke fayde  :- (Benefits  of Daily oil massage  for hair in Hindi.)
Baalo ki majboot ke liye  accha hota hain. :- Baalo ki jado ko majboot banane  ke liye rojana tel se scalp ki malish kare. Isse baalo ki growth  bhi sahi hoti hain aur saath hi unke toot kar girne  ki samsya bhi door ho jati hain. Castor Oil, Almond Oil aur Olive Oil baalo ke liye  jaroori kai saare nutrients ki supply karte  hain. Vitamin E uljhe, bejaan aur do-moohe baalo ki problems ko door karta hain. Baalo ko rojana tel se maalish jaroor karna chahiye.  

Baalo ko safed  hone  se bachaye  ;- Unhealthy lifestyle, stress aur kai wajaho se baalo ka jaldi safed hone ki samsya aam baat ho gyi hain. Iske alawa kharab digestion, Protein aur Vitamins ki kami bhi ek badi  wajah ho sakte hain. Baalo ko colour melanin is  baat par  depend karta hain, Jiski kami se baal safed nazar aane lagte hain. Rojana baalo ki tel se maalish karne se baal lambe, ghane aur kaale bane  rahte hain. Iske  alawa tel suraj ki khatarnaak UV rays se bhi baalo ko protect karta  hain. 

Hair ki growth  ke liye :- Baalo ki growth puri tarah se usay milne  wale nutrients par depend karti hain. Protein aur Vitamins baalo ki growth  ke liye  sabse jaroori  cheez  hain. Coloring, Straightening aur aise hi kai tarah  ke treatments se  damage ho rahe baalo ki quality ko hafte mein 3-4 baar  tel lagakar kafi hud tak  sudhaara  ja sakta hain. Tel se baalo ki jado mein acche se massage kare jisse blood  circulation sudharta hain. Jado mein tel observe hone se  usay kai jaroori  nutrition asaani se mil jate hain. Jo baalo ko lamba, ghana aur mulayam banate hain. 

Dandruff se chhutkara dilaye  :- Scalp ki dryness dandruff ke badhne  ki wajah hoti hain. Jisse baal kamjor ho kar tootne  lagte hain. Iske saath hi khujali aur infection hone ka khatra bhi bana rahta hain. Dandruff  dead  cells hote hain jo khujali hone par kapdo par girte hain. Tel ki maalish karne  se scalp par kisi bhi tarah  ki gandagi nahi baithati. Lagatar  shampoo aur conditioner laga kar kafi hud tak is problems  se chhutkara paya ja sakta hain. 

Bacteria  aur Fungal infection kare  door ;- Seer ki jado mein gandagi jama hote  rahne se kai tarah ke bacterial aur fungal infection hone ka khatra bana rahta hain. Iske saath hi  dandruff  aur juo ki samsya bhi ho sakti hain. Jo baalo ko kamjor  banate hain aur veh halke hokar tootne  lagte hain. Seer ki  jado mein kisi bhi tarah ki papdi aur red skin dikhaayi de toh turant doctor  se raabta  kaayam kare. Rojana tel mein shahad mila kar usse maalish karne se Anti-Bacterial  tatv bacteria ko paida nahi hone  deta hain. Saath hi  yeh  baalo ki jado ko hydrate  rakhne mein bhi madad karta hain. 

Baalo ko banaye  chamakdaar  ;- Chamakdaar  baal personality ko graceful banane  ka kaam karte hain. Inki chamak ko banaye  rakhne  ke liye  rojana gungune  tel se seer ki maalish kare. Isse baal aapas mein ulajhte  nahi aur saath mein do-moohe bhi nahi hote. Tel se baalo ko androoni poshan ke alawa baahari  poshan bhi milta hain, Jisse veh pahle se jyada ghane  aur chamakdaar nazar aate hain.


Post a Comment

 
Top