Hinglishpedia

Ultrasound ke baare mein  jankaari. Pregnancy ke dauran time time par kai tests aur followup checkup karwane padte hain. Jo maa aur garbh mein pal rahe bacche ke  health ke  baare mein janane ke liye  kiye  jate hain. Inhi test mein se ek  test Ultrasound  ya scan hota hain jo female ko  delivery  karne  se pahle kiya jata hain. Is test  se bhroon mein palne  wale bacche ko kisi bhi tarah ki problem  ya asamaanta  ka pata lagaya  ja sakta  hain. 

Saath hi bacche ki development ko bhi dekha ja sakta hain. Puri garbhavshta ke  dauran maximum 4 baar ultrasound  karwaya ja sakta  hain. Is test mein pet mein palne  wale bacche  ko ek screen ke  jariye  dekha jata  hain. Lekin current time mein ultrasound  ka galat istemal bhi kiya jata hain. Ultrasound ko jyada  karne  se  bacche  ko  problem bhi ho sakti hain. 

Pregnancy ke  dauran Ultrasound ki  importance :- 

Garbhavstha ke dauran ultrasound test  bhroon mein palne wale  bachhe ki sehat aur  uski situation ke baare  mein saaf  saaf  jankaari deta hain. Pregnancy ke  dauran  neeche  likhe  gye  Ultrasound aur  scans  karwane chahiye.
Viability Scan :- Is tarah ke scan ko 6 se  10 hafte ke pregnant woman ko karwana chahiye, isse bacche ke dil ki dhadkan, garbh mein bacche  ki ginti aadi  ka pata chalta hain. 


NT scan (nuchal translucency scan) :- Is scan ko garbhavastha  ke 12 vein hafte mein kiya jata hain. Isme bacche  ke  vikas  aur usay hone  wali problems ka pata chalta hain. Ise karne se  prasav karne ka tarika bhi pata lag jata hain. Agar bacche  ki stithi sahi nahi hoti toh operation aadi karne  ke  baare mein bhi doctor andaazan bata sakte hain. 

Anomaly scan :- Is tarah  ke scan pregnancy ke 18th aur 20th week mein kiye jaate hain. Ise  karne  se  bhroon  ki sharir mein stithi, naal ki stithi ka pata chal jati hain. Ise karne se  ek idea lag  jata hain ki bacche  ka dimaag, chehra, reedh ki haddi, pet,  kidney aadi ka vikas  kis  tarah se ho raha hain. Aisa karne se Amniotic flood diye jane  ki matra ka bhi pata chalta hain aur bacche ke vikas ki sahi situation ka pata chalta hain.

Fetal echocardiography :- Is  test ko  karne se  bhroon ke  dil ki dhadakan  ka sahi pata chal jata  hain. Ise pregnancy  ke 20 vein aur 22 vein hafte mein  kiya jata hain. Agar garbh mein pal rahe bacche  ke  heart-rate ko lekar  kuch aashanka hoti hain toh yeh test kiya jata  hain. 

Fetal well-being :- Is scan ko 28 se  39 vein hafte  mein kiya jata hain. Isse  bacche ki sahi  situation ka pata  lagaya jata hain. 

Grabhavstha  ke dauran  Ultrasound  scan ko kaise kiya  jata hain ? 

Grabhavstha ke sabhi periods mein ultrasound ke alag-alag scan ki jaroorat ke  anusaar doctor  karte  hain. Lekin shuruvaati mahine  mein Transvaginal ultrasound ki jaroorat padti hain.

Transabdominal ultrasound :- Is tarah ke  ultrasound mein sonologist pet par gel ki tarah ka substance  laga  dete  hain aur haath se  chalaye jane  wale  transducer ko pet par  firaate  hain aur bhroon ki stithi  ka pata lagate hain. Isse bacche  ki gatisheelta  ka bhi pata chalta hain. Is prikshan ke dauran  garbhavati  mahila bhi bacche  ko screen  ya monitor par asaani se lete-lete  dekh sakti hain. Is tarah  ki sonography safe hoti hain aur isse mahila ko jyada  preshani bhi nahi hoti hain. 

Transvaginal Ultrasound :- Is tarah ke ultrasound mein sonologist vagina (Yoni) mein ek patla sa transducer  ghoosa  dete hain. Is par condom laga kar  ghusaaya jata hain taki yeh asaani se  ander  chala jaye. Isse takhleef nahi hoti hain aur ander ka view saaf dikhaayi deta hain. 

Sonography (ultrasound) ke liye  kaise  taiyaar  ho :- 

1) Halke aur dheele kapde pahne taaki pet asaani se khola ja sake aur pura  test asaani se kiya ja sake. 

2) Prayapt  matra  mein  paani piye , Isse uterus  bahar ki aor nikal aata  hain aur  bhroon ka accha view dikhaayi padta hain.

3) Transvaginal Ultrasound ke liye aap apne doctor se khul kar baat kare aur  reserve  karwaye. Aapne  aapko relax rakhe, apni lower  body ko relax rakhe, ho sakta hain thoda  sa dard  ho, lekin bardaasht kare. Gahri saans  le, himmat  rakhe aur jyada dard  hone  par  doctor  ko bataye.
loading...


 
Top