Hinglishpedia

0
Beta-CaroteneHum apne rojana ki diet mein Lal, hare, peele aur narangi ki tarah-tarah  ki phal sabziyo ko jaroor  shamil karte hain. Inme mauzood kai tarah ke vitamins, minerals hamare bhojan ko paushtik hi nahi banate hain, balki hame healthy rakhne  mein madad  karte  hain. Inke alawa in rang-birange  phal aur sabziyo mein 24 tarah ke Carotenoids ya Pro-vitamins paye jate hain, jinhe Vitamin A ke liye ahem mana jata hain. 

Aankho ki bimariyo aur cancer  ke upchar ke liye yeh carotenoids faydemand hain. Lekin iske liye  apne khan-pan par khas dhyaan dene  ki jaroorat hain, Kyonki in Carotenoids ki kami se hi nahi, balki inki jyada matra  se  bhi sehat ko nuksaan ho sakte hain. 

Kya hain Beta-Carotene ?

Hamare liye jaroori Carotenoids mein Beta-Carotene  bahut hi jaroori hain. Beta-Carotene paudhe aur  phalo mein paya jane wala lal, peela aur narangi pigment ya rang hain. Dekha jaye toh  gahre Lal, Peela, Narangi rang wali phal aur sabziyo se hame Beta-Carotene  prapt  hota hain. Jaise - Gajar, Palak, Tamatar, Shakarkandi, Broccoli, Kaddu, Kharbooza, Papita, Aam, Matar, Lal-Peeli Shimla Mirch, Khubaani aadi. 

Inme mauzood Phytochemicals  Shaleshma (paudho mein paya jane wala chemical substans) ko Photosynthetic jhilli mein ikkatha karke food mein gahre  rang ko paida karta hain. Yeh khane wali cheezo mein natural  roop se mauzood  fat mein ghulansheel active  compound  hain. Vaise toh  Beta-Carotene apne  aap mein koi poshak tatv nahi hain, Lekin yeh  Retinol mein badal kar hamare sharir mein Vitamin A ki supply karta hain, Jo kai tarah ke aankho ke  rog, cancer, dil ki bimari ke ilaj karne  mein capable  hain. 

Beta-Carotene  ke source aur Khuraak :- 

Scientists ne bhi balanced quantity mein Beta-Carotene ke sewan ko sharir ki jaroorat ke hisaab se  hi Vitamin A ki supply ka safe source mana hain. Iski kami se jaha aankho ki bimariya, cancer, heart se related  bimariyo hone ka khatra rahta hain, Vahi iski jyada matra bhi Cigarette peene  walo ke liye khatarnaak saabit ho sakti hain. Scientists  ne ek healthy person ko daily 3-6 Milligram Beta-Carotene  ke sewan ki recommendation kiya hain, Jiski supply ke liye Supplements  lene  ki  bajaye  Lal, Narangi aur peele phal aur sabziyo ko apni diet mein shamil karna chahiye. Din bhar mein 5 baar phal aur sabziya  leni chahiye. 

Bahut faydemand hain Beta-Carotene  :- 

Beta  Carotene  Anti-Oxidant aur Immune system  booster ke roop mein kaam karta hain. Researches  se yeh  saabit ho chuka hain ki Beta-Carotene  hamari body  ko  Free radicals se  bachata  hain aur immune system ko majboot banata hain. Sahi matra  mein iske  sewan se Coronary Artery Disease, High Blood pressure aur heart attack ke khatre ko kam kiya ja sakta hain. 

Vitamin A ka manufacturer (producer) hone  ki wajah se Beta-Carotene  skin ko  healthy  banaye  rakhne  mein  madad  karta hain. Skin mein dryness, Psoriasis aur Vitiligo jaisi bimariyo ke  ilaj mein helpful hota hain. Yeh  sunburn ke khatre ko kam karta hain. Vitamin C aur E se  bharpoor  khadya  padartho  ke  saath  mil kar Cancer ki roktham mein  ahem role ada karta hain. Umar badhne  ke saath aankho ko healthy banaye rakhne  mein  important role  nibhata  hain. 

Saavdhaaniya :- Doctor ki salah par hi Beta-Carotene  ki khuraak leni chahiye, Khas-taur par Cigarette peene walo ko Beta-Carotene  ki  jyada  dose  lene  se  bachna chahiye. 

Jyada matra mein iska sewan hain nuksaandeh  :- 

Researches se saabit ho chuka hain ki jyada Beta Carotene ka sewan  hamare liye  nuksaandeh  hain. Isse Carotenemia hone ki aashanka rahti hain, jisse hamari skin peeli ho jati hain. Iske jyada sewan se sharir mein Vitamin E ka level  kam ho jata hain, Jiska asar khoon ki kami ke roop mein dikhaayi deta hain.     


Post a Comment

 
Top