Hinglishpedia

Diaper ke side-effects.Ghar ke sooti kapde se bane baby napkins ki jagah bazaar ke diaper ka istemal aaj hamare desh ke liye ek aam si baat ho gyi hain. Bazaar ke leak-proof  diaper vakai bahut madadgar bhi hain, khas-taur par jab  aap ghar se  bahar ho. Lekin aaj kal kai wajaho se log  babies ke saath din-bhar  aur  puri raat  bhi diaper ka istemal karne  lage  hain. Kya aapko pata hain Diaper ke side-effects bhi ho sakte  hain aur  ise  pahanaane par kaun-kaun si saavdhaani rakhni chahiye, Aaiye jante  hain baby ko diaper pahanane ke nuksaan ke baare  mein :- 

Leak-proof :- Aam taur par diaper  ka matlab log aise  saadhan se  lagaate  hain jisse bacche  ki natural process  ke dauran hone  wali gandagi  se  ghar aur  kapdo  ko safe rakha  ja sakta  hain. Saath hi raat ko neend mein padane  wali khalal se  bhi bacha ja sakta  hain. Jabki ghar  ke  bane sooti  kapde  napkins mein yeh suvidha nahi hoti hain. 

Chote  bacche ke lihaaz se  raat  ko mata-peeta ki neend  toot  jati  hain, is tarah neend ka tootna mata-peeta ki sehat par bura asar  daalta hain. Aise mein diaper  ka istemal karna buri soch nahi hain, lekin is suvidha ka fayda tab hi mil sakta hain, Jab diaper ka istemal puri saavdhaani aur alertness ke saath kiya jaye aur afsos hain ki bahut kam log hi  iske baare mein  soch paate  hain.  

Diaper ke istemal  par barte  saavdhaani :- 
Isliye  jab baat diaper ke  istemal par aati hain toh kuch baaton ka dhyaan rakhna  jaroori hain, taaki bacche ki  sehat par  iska bura  asar na pade, environment bhi  surakshit rahe aur  parents  bhi nischint ho sake. In points par gaur kare  :- 
1. Diaper ki wajah se hone wale  rashes bacche ke skin ko gambhir  nuksaan pahucha sakte hain, kai  baar inke istemal se naazuk ango  ko nuksaan pahuch sakta hain. 
2. Highgean veh point hain jiske liye diaper ho ya gharelu napkin, dono ke istemal ke  samay alertness rakhna jaroori  hain. Pryapt  safaai aur  high gean mein laaparvaahi bacche  ki life  ko khatre mein daal sakti hain. 
3. Kuch diaper  ethylbenzene, toluene aur xylene jaise Volatile Organic Compounds yani environment mein bhaap  ban kar pahuchane  wale  organic compound ko  release karte  hain. Jisse neurological problems ke alawa aankho mein preshani  aur immunity kamjor padne ka khatra rahta  hain.  
4. Plastic ki sheets  ke  alawa Diaper  par  kai dusre  toxins jaise  artificial colours, khusboo ke  liye  chemicals, Sodium Polyacrylate, Dioxins jaise haanikarak tatv paye  jate hain. Jinki wajah se bacche ko  asthma, Hormone unbalance aur cancer tak ho sakta hain. Diaper par  mauzood artificial   rang bacche ko  rashes ki samsya de sakte  hain. 
5. Agar  aap bacche  ko  pura din diaper pahanaye rakhte  hain toh har aadhe  ghante  mein usay check karne ki aadat daale. Kai  baar  bacche  ek  geele  diaper ko lambe  samay tak  pahne  rakhte hain aur usi ko  dusri-teesri  baar  geela kar dete hain. Iss  cheez ko nazar-andaaz karna  bacche ke  liye  infection ko bulaava dena  hota  hain. Dhyaan na dene  par  yeh infectiona jaanlewa bhi ho sakta hain. 
6. Hamare desh  ka mausam hamesha badalta rahta hain. Aise  mein  garmi ya jyada  nami ki wajah se lambe samay tak diaper  pahne rakhna bacche ke liye kai musibato ko invitation de sakta hain. 
7. Bacche ke liye  khatra hone ke  saath-saath Diaper environments  ke liye  bhi  gambhir nuksaan ban kar ubharte hain. 
Keywords search for Google :- Diaper se  bacche ko  hone wale  nuksaan, Side-effects of  wearing  diapers to baby in Hindi, डायपर के  नुक्सान, Diaper  kyon nahi pahanana chahiye.


loading...
 
Top