Daad, Khaj-khujali se hain preshan toh apnayiye yeh gharelu nuskhe.

daad khaj khujali ka ilaj.
Kya aap Daad, Khaj , Khujali aadi se preshan hain? toh yeh post aapke bade hi kaam aayegi,  aaj ki post mein hum Daad-Khaj, Khujali ke ilaj ke liye kuch aise gharelu nuskhe batayenge, Jinhe apna kar aapko in sabhi problems se rahat milegi. 

Skin par kisi bhi tarah ke spot  chahe vo kaale ho ya phir lal, dikhne mein bahut hi bhadde lagte hain. Saath hi yeh skin infection hone ki wajah bhi bante hain. Fungal aur Bacterial infection aisi hi problems hain, Jinka sahi waqt par ilaj na hone par yeh bure body mein phail sakte hain. Jante hain inhe door karne ke desi nuskho ke baare mein :- 


Apple Cider  Vinegar (Seb ka sirka) :- Vinegar Yeast infection ko control karke fungus  ki problem se chhutkara dilata  hain.

Istemal kaise kare :- Aadhe cup gungune paani mein ek bada chammach Vinegar  mila kar din mein 2 baar ise piye. Nahaane ke dauran paani mein bhi ise milaye. Saath hi infected area mein 30 Minutes tak Sirka laga kar rakhe. 



Lahsun :- Lahsun ko kafi pahle se hi infection ki problem ko door karne ke ilaj ke taur  par istemal kiya jata rah hain. Iska Anti-Bacterial, Anti-Fungal aur Antibiotic gun har tarah ke infection ko door karne  mein madad karte  hain.

Istemal kaise kare ;- Lahsun ki kacchi kaliyo ka paste bana le aur ise skin par lagaye. Iske saath  hi  lahsun ki kacchi kaliya khana bhi infection ko door karne ka behatarin upay hain.



Dahi :- Dahi mein Lactobacillus acidophilus bacteria mauzood hote hain jo bacteria aur yeast infection  ke badhte  growth ko  rokne mein  madad  karte  hain. Vaginal Infection, Ringworm, Khujali jaisi samsyaon ke ilaj mein dahi khana aur  lagana faydemand  rahta hain.

Istemal  kaise  kare  ;- Infection wali jagah par  dahi laga kar kam se  kam 30 Minutes tak rakhe. Iske baad saaf paani se dho le. Din mein 2 se 3 baar iska istemal kare. Iske alawa lunch  ho ya dinner kisi bhi ek time dahi jaroor khaye.



Tamatar :- Tamatar  ka  istemal karke  bhi kai  tarah ke infection se bacha ja sakta hain. Iska Lycopene aur  Anti-Inflammatory  tatv healing mein behatarin  hota hain. Iske saath  hi yeh jalne aur  katne  mein bhi faydemand hota hain.

Kaise kare  istemal :- Tamatar ke tukado  ko infection wali jagah par laga kar dheere-dheere  massage kare aur  sookhne par paani se dho le.


Cranberry (Karonda) :- Iska Anti-fungal aur Anti-Bacterial  formula fungal infection ko door  karne mein  sahayak hota hain.

Kaise kare istemal :- Kisi bhi tarah ke infection se agar  aap peedit ho toh Cranberries (Karonda) Ka juice din mein ek baar jaroor piye. Bahut jald  fayda hoga. Karonda  ek  tarah  ka  ber  ki tarah  dikhne  wala  khatta  phal hota  hain, Jisse  jyadatar  achaar banane ke  liye  istemal  kiya jata hain.


Haldi :- Haldi ke istemal se kai tarah  ke infection ko door kiya ja sakta hain. Haldi mein Anti-Oxidants ke saath-saath  Anti-Bacterial gun mauzood hote hain, Jo bacteria aur germs ke attack ko rokte hain.

Kaise kare istemal :- Tavcha mein jalan, sunjan, ringworm, keedhe ke kaatne aur khujali jaisi koi bhi shikayat hone par Haldi ka paste bana kar oos jagah par lagaye.


Doodh :- Doodh kai saare nutrients jaise Fat, Protein aur Lactic Acid  ka khazana hota hain. Saath hi isme Anti-inflammatory  tatv bhi paye jate hain. Jo skin ki problems ke ilaj ke liye bahut hi asardaar hota hain.

Kaise kare istemal :- Nahane ke paani mein doodh ka istemal kare, Isse skin jyada  mulayam nazar  aayegi aur saath  hi infection bhi door ho jayega.


Aloe Vera :- Aloe Vera har tarah ke  skin ke liye faydemand  hota hain. Sensitive  ho ya normal sabhi tarah ki skin problems ko door karta hain. Aloe Vera gel ko Baalo mein lagane  se baalo ko Silky aur shiny banaya ja sakta hain.

Kaise kare  istemal  :- Aloe  Vera ka natural  Antibiotic tatv har tarah ke skin infection ko door karne mein kargar hain. Iski taazi pattiyo se nikale gel se maalish kare.




Nariyal Tel :- Nariyal tel ka Anti-Fungal tatv har  tarah ke fungal infection se rahat dilata hain. Saath hi isse  skin saaf aur  glowing nazar aati hain.

kaise kare istemal :- Nariyal tel halka hota hain, Jisse  yeh skin mein jaldi se absorb ho jata hain toh skin ko nariyal ke tel  se hydrate  rakhe. Iske alawa Nariyal  ka  tel aur Dalchini tel ki barabar matra ko mila kar bhi ise infection wali jagah  par  lagaye.


Green Tea  :- Green Tea  Anti-Oxidants, Anti-Bacterial aur  Anti-Inflammatory se bharpoor  hota hain. Kisi bhi tarah  ka fungal  infection ho ya yeast infection, har tarah ki problems ko door karta hain. Yaha tak  ki pimples  aur  moohaso ka ilaj bhi green tea se possible hain.

Kaise kare  istemal :-Green tea peena hi kai tarah  ki skin problems se bache  rahne ka tarika hain. Lekin aur asardaar ilaj ke liye iske  tea bag ko skin par lagaye.  

You May also like :-