Chawal se jude kuch interesting facts.

Chawal se jude kuch interesting  facts. Asia mein average 2 se 3 baar din mein log chawal khate hain. Myanmar mein har aadmi har saal average 194 Kilo chawal khata hain, Jabki Laos aur Cambodia mein yeh lagbhag 160 kilo hain. Dusri aor Europe mein har aadmi average 3 kg aur America mein 7kg chawal har saal khata hain. 

Aaiye jante hain chawal se jude kuch interesting facts ke bare mein :-




Keechad , paseena aur Bail (Ox) :- Traditional (Purane) tarike se chawal ka 1 hectare khet taiyaar karne ke liye ek kisaan ko keechad bhare khet mein bail (ox) ke peeche kareeb 80 kilo meter chalna padta hain.


Jaha ugaya , vahi khaya :- Jyadatar jis desh mein chawal ugaye jate hain, Usi desh mein hi iski 95% khapat ho jati hain. Sirf 5% chawal dusre deso mein export kiye jate hain. Sabse bada desh Thailand hain jo kareeb 50 Lakh ton chawal bechta hain aur dusre number par America hain jo 30 lakh ton chawal bechta hain aur teesra desh Vietnam hain jo kareeb 20 lakh ton chawal dusre desho ko bechta hain.


Paani ka dushman hain :- Ek kilo chawal paane ke liye khet mein kareeb 5000 litter paani daalna padta hain.


Peeth ka dard :- Asia mein dhaan ka paudha ropna apni peeth todne ke barabar hain. Har paudhe ko haath se geeli mitti mein lagana padta hain aur aam taur par yeh kaam aurtein karti hain.



New technology :- Udhar America ki kisan apne kheto ko barabar karne ke laser machine ka istemal karte hain aur beej bikherne ke liye hawaai jahaz ka istemal karte hain.


Kisme bahut jyada hain :- Mana jata hain ki Puri duniya mein dhaan ki 14000 se jyada kisme ugaayi jati hain, Theek ginti kisi ko pata nahi hain. Lekin Chawal ki variety puri duniya mein bahut hi jyada hain. Is par research karne ke liye bane International Jean Bank mein kareeb 9000 kismo ke samples jama kiye ja chuke hain.


Duniya ki sabse badi abaadi wale 3 desho mein chawal sabse jyada khaya jata hain, yeh desh hain China, India aur Indonesia.

Paudhe ka bharpoor istemal :-

 Dhaan ugaane wale desho mein iske paudhe ke har hisse ka istemal kiya jata hain.


 Bhoosa :-


Aag jalane ke liye upalo ka istemal kiya jata hain. Janwaro ke chaare ke roop mein istemal kiya jata hain. Batkar rassi bhi banayi ja sakti hain. Dastkaaro ke hatho se gujarkar kapde, khilaune, joote aur sajawati saamaan ki shakal le leta hain. Int aur kagaz banane ke liye bhi istemal kiya jata hain. Isse Rice Dragon banta hain , jis par resham ke keedhe paale jate hain. 

Chaawal (Daane) :-


 Bhoose se alag nikaal kar seedhe khaye jate hain. Inhe sada kar sharab bhi banayi jati hain. Laai aur Chiura bana kar bhi khaya jata hain. Beer banane mein bhi istemal kiya jata hain. Janwaro ke chaare mein bhi istemal hota hain. Kuch special events par ise pees kar chehra sajane ke kaam mein bhi laate hain. Chawal ke daano ki polish ke waqt jo chhilka nikalta hain, usse tel nikala jata hain. Jise Rice bran oil kaha jata hain jo saabun aur beauty products ko banane ke liye istemal hota hain. Iske alawa isse health food bhi banaye jate hain. 


Chawal ki bhoosi tamam nazook cheezo ki packing, Aag mein jalane aur burf ko lambe samay tak galne se bachane ke liye bhi istemal hoti hain. Kahte hain ki is bhoosi ko jala kar bani raakh se daanto rangat laut aati hain. Chawal ka paudha  aisa paudha hain jo har tarah se aapke kaam aata hain.

You May also like :-