Hinglishpedia

Chaulai ka saag.
Hari pattedar sabziyo mein Chaulai ka apna alag hi mukaam hain. Duniya bhar mein log iska istemal sabzi, bhaaji, saag ya anaaz ke roop mein karte hain. Yeh kai tarah ke aushadhiya guno se  bharpoor hoti hain. Chaulai ke patto, danthal aur beejo mein Protein aur Minerals bharpoor matra mein  paye  jate hain. Ayurveda mein cholai ko anek rogo mein upyogi bataya gya hain. Aaj ki is post mein hum jaanejge  ki Chaulai ka saag khane ke kya fayde hote hain, Chaulai ke patte, beej hame kaise fayda (Benefits) pahuchate hain :- 

Khoon ki kami ko door karta hain :- Dawaai ke roop mein chaulai ke patte, jad aur beej sabhi ka istemal hota hain. Iski pattiyo aur beejo mein Protein, Vitamin A aur C bharpoor  matra mein hote hain. Chaulai ka saag Anemia ki bimari se ladne ka sabse  kargar upay hain. Chaulai ka saag khane  se  sharir mein khoon ki kami door hoti hain. Sharir mein khoon ki kami ko door karne  ke liye iska sewan sabzi ya soup ke roop mein kare. 

Khane mein tasty :- Chaulai pakaane mein bahut hi asaan aur tasty hota hain. Yeh duniya ke kai hisso mein pattedaar sabzi ke roop mein khayi jati hain. Yeh aam taur par ubaal kar , steam karke soup ke roop mein bhi istemal ki jati hain. 

Pachne mein asaan :- Chaulai mein Fiber aur Amino Acid mauzood hote hain, jinki wajah se  yeh pachne mein asaan hota hain. Isme mauzood fiber ki wajah se  yeh aanto se chipke gandagi ko bahar nikaal kar  usay baahar dhakelne  mein madad karta hain, Jisse pet saaf hota hain aur pachan shakti badhti hain. Isi wajah se  ise bimari  se  ubar  rahe  mareezo ko khane ke liye diya jata hain. 

Sujan ko kam kare :- Chauli ke tel aur peptide mein Anti-Inflammatory  gun hota hain jo dard  aur sujan ko asaani se kam karne  mein madad karta  hain. Isliye body mein sujan hone par iska istemal kare.

Natural Energy booster :- Kuch sabziyo aur anaazo mein  jaroori Amino Acid ki kami payi jati hain, Lekin Chaulaai mein Lysine bahut jyada matra mein paya jata hain, Lysine Calcium ko sokhne mein sharir ki madad  karta hain. Isi wajah se chualai muscles ke nirmaan aur  energy ke production ke liye bahut accha mana jata  hain.

Body ki immunity ko badhata hain :- Iska sabse bada labh yeh hain ki isme mauzood Jaroori  Vitamins, Minerals aur shaktishaali Anti-Oxidants body ki immunity ko theek rakhne mein madad  karte  hain. Isliye agar  body ki immunity kamjor ho gyi ho toh aapko chaulai jaroor  khani chahiye.

Blood  pressure  kam kare :- Researches ke  mutabik Chaulai mein mauzood Fibers aur Phytonutrients naam ke tatv blood  pressure ko kam karne mein help karte hain. Jisse yeh cholesterol, sujan aur blood  pressure  ke  saath  asardaar  tarike se  ladta hain aur yeh dil ke sehat ke liye  accha hota hain.

Wajan kam karne  mein helpful :- Jaisa ki hum jaante  hain ki Protein khoon mein insulin ke level ko kam kar hormone ko release kar aapki bhookh ko dabaa deta hain, jisse aapko kam bhookh lagti hain. Aap ko yeh jaankar  khushi hogi ki Chaurai mein lagbhag 15% tak Protein hota hain jo aapke wajan ghataane  ke  process mein aapki sahayata kar sakta hain.

Cancer  se bachaav :- Chaulai mein mauzood Peptides sharir  ki sujan door  karne  ke alawa cancer  ki growth  ko rokne mein bhi kargar hain. Isme mauzood Anti-Oxidants  cells ko damage  hone se bachata hain, Jisse cancer  ko rokne  mein madad milti hain.

Baalo ko safed hone se rokta hain :- Agar  aap baalo ke samay se pahle safed hone se chintit hain toh aapki is problem ka solution chaulai hain. Yeh baalo ko asamay safed hone se rokne ke liye kafi  kargar upay hain. Chaulai ko apni diet mein shamil kar aap is problem se  nijaat pa sakte hain.
loading...


 
Top