Talcum powder ke nuksaan.

Talcum powder ke nuksaan.Mulayam, safed aur khusboodar talcum powder bahut si ladies ka beauty product hain. Talcum powder paseene aur nami ko sharir se bahar nikalne aur deodorant ki tarah kaam karta hain.

Yeh baby ke diaper se huye nishaano aur ragad ko kam karne ke liye bhi istemal kiya jata hain. Food & Drugs Administration (2010) ne ise safe cosmetic product declare kiya hain. Lekin phir bhi kuch aisi cheeze hain jo ise nuksaandeh banati hain.

Talcum powder ke nuksaan :-

1. Endometrial Cancer :- Ek study ke anusaar jo mahilayein jyada talcum powder ka istemal karti hain aur periods ke baad bhi istemal karti hain, unme endometrial cancer ka khatra jyada hota hain.

2. Talcosis : - Talcum powder ko istemal karne par iske kuch kan hawa mein phail jate hain jo saans ke saath ander chale jate hain aur jisse chhink aana, ghabrahat hona, saans uthna jaisi problems paida hoti hain. Isse bhi jyada Talcosis ya fefdo mein jalan bhi paida hoti hain.

3. Talcum powder zehareela hain :- Talcum powder mein tall naam ka mineral hota hain. Yeh nuksaandeh hain jab iski matra saans ke jariye ander chali jati hain. Yeh anti-septic, baby powder aur talcum powder mein istemal hone wala khas mineral hain aur yeh sadakchhap heroine hain.

4. Fefdo ka cancer :- Jo log jyada powder istemal karte hain, veh saans ke jariye iske kano ko ander le jate hain. Jisse fefdo se related problems paida hoti hain aur aage chalkar yeh fefdo ke cancer mein bhi badal sakti hain. Isliye jyadatar log cancer ki roktham ke liye cornstarch yukt body powder istemal karne ki salah dete hain.

5. Garbhashya ki jalan :- Bahut si ladies ise khusboodaar beauty product ke roop mein iska istemal karti hain. Veh vagina par bhi iska istemal karti hain. Jiske karan iske kan garbhashya mein enter kar jate hain. Yeh kan pahle felopene tube mein jate hain, phir garbhashya tak pahuch jate hain. Yeh kan asaani se nahi nikalte hain aur lambe waqt tak rahte hain. Isse grabhashya mein jalan aur cancer jaisi gambhir bimariya bhi ho sakti hain.

6. Garbhashya cancer :- Cancer Prevention coition ka manana hain ki is tarah ke beauty products ke istemal se garbhashya ka cancer ka khatra badh jata hain. Har 5 mein se 1 mahila inka istemal karti hain. Powder mahila ke yaun ang dwara grabhashya tak pahuchta hain. Vagina (yoni) mein powder ka istemal karne wali mahilaon mein garbhashya ka cancer hone ka khatra powder na istemal karne wali mahilaon ke mukable kanhi jyada hota hain.

7. Saans se sambandhit bimariya :- Talcum powder se saans se related problems shuru ho jati hain, khastaur par shishuon mein. American Academy of Pediatricks dwara iska kam istemal karne ki salah di ja rahi hain. Saans ke saath ander jaane par yeh baccho mein Pneumonia paida kar sakta hain. Isliye mahilaon ko yeh salah di jati hain ki baccho ko lagane se pahle veh unke haath par lagakar dekhe. Ise bacche ke seer se bhi door rakhna chahiye.

You May also like :-