Hinglishpedia

0
Mobile ScreenSmartphone lene se pahle hum sab sabse pahle uski screen par nazar daalte hain. Phone ki screen na sirf uske design ko attractive banati hain, Balki iski quality Smartphone user ke experience ko behtar banati hain. Is baat mein koi shak nahi ki mobiles companies din par din jitne naye features apne phone mein jodti chali ja rahi hain, Utni hi tezi se veh screen ki quality par bhi dhyaan de rahi hain. Market mein jab hum koi smartphone lene jate hain toh aapne dhyaan diya hoga ki price ke accordning phone ki screen quality bhi alag-alag hoti hain Jaise TFT Screen, LCD Screen, Amoled Screen, IPS Screen lekin aakhir in sabhi mein kya differences hota hain, Aur yeh ek dusre se alag kaise hote hain. Kya aap in sabhi ke baare mein jante hain.  

LCD Screen :- LCD screen jise hum Liquid Crystal Display bhi kahte hain, Ek normal flat screen hoti hain, Yeh aankhon par tez roshini ke padne se rokta hain. LCD apne aap mein koi roshini paida nahi karti hain, Balki dusre sources se padne wali roshini ko modulate karta hain. LCD screen ki quality acchi hoti hain, Lekin isme kam contrast resolution hota hain, saath hi jyada roshini jaise dhoop ya phir ghar ke bahar LCD screen mein kam dikhta hain.

TFT screen :- TFT jise hum Thin Film Transistor kahte hain, LCD se behtar hoti hain, Jisme har pixel mein electrode hote hain. Yeh pixel ke beech doori ko kam karte hain, Jisse jyada pixel quality user ko milti hain. Entry level phone mein aapko TFT screen asaani ke saath mil jayegi.

IPS Screen :- IPS yani ki   In-Plane-Switching ko Hitachi aur LG ne behatar color aur angle jaise feature ke saath banaya hain. IPS display mein aap har angle se picture aur videos sabhi ko saaf dekh sakte hain. Jabki TFT aur LCD mein kinaare se dekhna behad mushkil hota hain. Aaj kal jyadatar har smartphone mein IPS display ka istemal hota ja raha hain. Yani ki aap 360 Degree se kisi bhi kinaare se mobile ke pictures ko bilkul saaf dekh sakte hain.

Retina ;- Retina display ko Apple ne banaya hain aur yeh aapko Iphone mein milti hain. Retina display mein pixel ke beech ki doori behad kam hoti hain, Jisse user ko saaf pictures dikhti hain. Yeh aapko Iphone ke har model mein asaani ke saath mil jayegi.

OLED :- OLED yani ki organic light-emitting diode bahar ki light ke bajaye apni khud ki light create karte hain, Jisse na sirf battery save hoti hain, Balki jyada clear colour quality milti hain. Yeh jyada bright aur saaf resolution wali picture deti hain. 

AMOLED ;- AMOLED yani ki active-matrix organic light-emitting diode mein sabhi pixel ek dusre se connect rahte hain. AMOLED Screen manufactures ko sasti padti hain, Saath hi yeh kam power kharch karti hain. AMOLED OLED ka upgrade version hain. 

Clear Black Display :- Is display ko Nokia ke dwara 2007 mein banaya gya tha. Iske dwara phone ki screen aur stah ke beech ki avorodhakta ko rokti hain. Jisse handset ka display behtar nazar aata hain. Clear Black screen par padne wale reflection ko hatata hain, Khas taur par dhoop mein screen quality ko behtar dikhaane ki kaam karta hain. Yeh Ovi map jaise application ke liye jyada upyogi hain. 

Mobile Bravia Display :- Yeh Sony dwara istemal kiya jane wala brand hain, Is display ko jyadatar HD TV mein istemal kiya jata hain. Lekin ab ise mobile phone mein bhi istemal kiya ja raha hain. Isse phone ki screen sharpness ke saath bahut hi behtar nazar aati hain. Is screen ka istemal Sony Xperia series phone mein jyada dekha ja sakta hain. 

Gorilla Glass :- Gorilla glass hone se screen ko choti-moti ragad se bachaya ja sakta hain. Ise khas taur par Mobile phone, Portable Media player, Laptop  ke alawa kuch TV screen par bhi istemal kiya jata hain. Pahli baar Gorilla Glass screen ka upyog 2007 mein Apple ke dwara Iphone mein kiya gya tha. Ab iska latest version Gorilla Glass 3 chal raha hain. 

Dragontrail Glass :- Yeh Asahi Glass Corp. dwara banaya gya hain aur saath hi yeh thinness aur Lightness ke saath hi screen ko damage hone se bachata hain. Yeh Corning Gorilla se kafi milta julta display hain. Isme Hard aur Patle kaanch ki parat ka istemal kiya jata hain jo ki Screen ko ragad aur kharoch aadi se bachati hain. Yahi Dragontrail glass ka sabse bada gun hain.    


Post a Comment

 
Top