Hinglishpedia

 Khatti Dakar aur pet dard se rahat pane ke kuch gharelu nuske aur tarike.Apach hone par pet bhari ho jata hain aur pet dard bhi karne lagta hain. Isse bechaini, jalan aur kabhi-kabhi mitali aane jaisi problems bhi ho sakti hain. Saath hi kuch logo ko khatti dakaar aur ulti jaisi shikayatein bhi hoti hain. Apach aur pet dard mitane ke liye kadwi dawaaiyan le kar agar aap preshan ho chuke hain toh ajmayiye pet dard aur khatti dakaar ko door bhagane wale kuch tasty gharelu nuskhe :- 


1. Anaar ke daano par kali mirch aur namak daal kar khaye. Gas se hone wale pet dard mein aaram milega.

2. Gungune paani mein nimbu ko nichod kar peene se fayda hota hain. Ise peene se pet mein hone wala halka-halka dard door ho jata hain.

3. Thoda sa Lal mirch powder gud mein mila kar khane se pet dard mein fayda hota hain.

4. 2 Gram Ajwain mein ek gram Namak mila kar garam paani ke saath le.

5. Pudine wali chai bana kar piye. Ise peene se pet dard mein aaram milega. Pudine ki pattiyo ko ubaal kar peene se bhi aaram milta hain. Ise peene se digestion durust rahta hain.

6. Aadha chammach methi daane mein namak mila kar subah-shaam 2 baar garam pani ke saath le.

7. Adrak ko baarik kaat kar paani mein ubal le. Is paani ko chhankar piye. Isse gas, kabz ki samsya door ho jayegi.

8. 2 Elaichi pees kar Shahad mein mila kar chaatne se labh hota hain.

9. Kali Mirch, Hing, Sonth barabar matra mein mila kar pees le. Subah-shaam is churan ko garam paani ke saath aadha chammach le. Pet dard se rahat milegi.

10. Saunf aur Sendha Namak mila kar pees kar 2 chammach garam paani ke saath le. Pet dard mein turant rahat milegi.

11. Rojana aadha cup Aloe Vera juice peene se aant se related bimariya door bhaag jati hain. Diarrhoea, kabz, gas, ainthan aur ulti mein bhi aloe vera juice fayda pahuchata hain.

12. Nimbu ki faank par kala namak, kali mirch aur jeera daal kar garam karke khaye. Gas aur acidity se turant rahat mil jayegi.
loading...


 
Top