Hinglishpedia

0
Boards ke exams shuru hone wale hain, Ab students ke saath saath parents mein bhi tension ko dekha ja sakta hain. Har subject ki pure saal ki taiyaari ki parakh mahaz 3 hours ke paper mein aapke performance par ki jati hain aur isi results ke base par future career ki direction aur situation bhi tay hoti hain. Aise mein bakhoobi in 3 hours ke har paper ke importance ko samjha ja sakta hain.

Examination hall  ke liye jaroori tips :- 

- Time management ke liye dikkat na ho, Isliye aapke paas ghadi jaroor honi chahiye.

- Pure question paper ko padhe. Padhne ke saath hi jawaab likhne ka plan bhi apne dimaag mein banate jaye, toh baad mein asaani hogi. 

- Jaroori nahi hain ki paper mein diye gye question ke series (order) mein hi jawab likhe jaye. Jis swaal ka jawaab aapko sabse acchi tarah se aata ho, Beshak vahi jawaab likhne ki shuruvaat kare. Isse Examiner par accha shuruvati asar padta hain aur acche numbers dene mein uske haath rookte nahi hain. 

- Dhyaan rakhe ek khand (Section) ke swaalo ke jawaab ek saath ho, Usay dusre Section ke saath nahi milaye.

- Sahi Question Number Answer likhne se pahle likhne ki aadat daale. 

- Jyada numbers wale swaalo aur section ko pahle solve karne se bache huye swaalo ke liye jyada time bacha sakte hain. 

- Bharsak koshish kare ki swaalo ke anko ke mutabik bindoovaar dhang se jawaab likhe jaye. In binduon ke vakya adhure nahi hone chahiye. 

- Match, Physics, Accounts ke question papers mein steps par base marking hoti hain. Isliye jaldbaazi mein steps chhodne ki bhool na kare.

- Examiner ka dhyaan main points par attract karne ke liye sub headings aur important facts ko underline karna na bhoole. 

- Answers ko jyada asardaar banane ke liye scholars/experts aadi ke vichaar dene mein harz nahi hain. 

- Nirdhaarit shabd seema mein uttar simit rakhne ki koshish kare. Kisi wajah se jyada shabd ho jate hain toh unke ank nahi kaate jate. 

- Language Ke question paper mein pronouns aur grammar ki galtiyo ke marks jaroor kaate jate hain, Jabki baaki subjects mein facts ki galtiyo ke marks kaate jate hain. 


Post a Comment

 
Top