Hinglishpedia

0
Solo Travelling ladies safety tipsIndia mein mahilayein jab akele safar karti hain toh veh kai mushkilo ka samna karti hain. Kai baar akele
chalte samay unke saath anhoni jaise unka khoon, rape ya unke saath chhed-chhad tak bhi ho jati hain. In situation mein unko jyada sawdhaani baratani chahiye aur apne aas-paas ki cheezo ki jankari rakhni chahiye. Bharat mein safar karna apne aap mein ek bada kaam hain. Aap oon mardo ki ghoorati hui nigaaho se nahi bach sakti , Jinhe aisa kar ander se khushi milti hain.

Hum aisi society mein rahte hain jaha abhi tak Social Conservatism zinda hain. Aur iski wajah se yeh jaroori ho jata hain mahilayein is baat ki jankaari rakhe ki unhe logo ke beech kaisa vyavhaar karna chahiye. Aaj hum aapko batane ja rahe hain kuch aise tips agar aap bahar safar par nikale to kya-kya savdhaani barat sakit hain.

Ajnabiyo se baat karne se bache :- Aapko logo se ghulna milna accha lagta hain. Hum samajh sakte hain. Lekin aap aisa bilkul mat kare jab aap akele safar kar rahe ho. Apne aap mein rahe aur ajnabiyo se baat karne se bache. Agar phir bhi koi aapse baat karne mein safal ho jata hain toh kam baat kare aur apni personal jankaari na de.

Self-Confidence bana kar rakhe ;- Agar aap pahli baar akele safar kar rahe hain toh apna self-confidence bana kar rakhe. Logo ko yeh pata nahi lagna chahiye ki aap pahli baar akele safar kar rahi hain. Hamesha aisa bartaav kare ki aapko pata hain ki aap kya kar rahi hain aur kaha ja rahi hain. Apna sar hamesha uncha aur awaaz buland rakhe.

Apne pahnaave ka dhyaan rakhe :- Aap logo ko apni dressing skill ke jariye apni aor attract karti hain. Sharir se chipke kapde aur chote skirts na pahne, kyonki yeh logo ka dhyaan aapki aor aur karega. Salwar ke saath dupatta ya shawl dale. Aap jeans aur kurta bhi pahan sakti hain, Lekin hamesha apne saath shawl rakhe.

Jyada samaan na le jaye ;- Apne saath jyada samaan na le jaye. Aapko safar mein in sabko khud hi sambhalna padega. Koshish kare ki backpack ya trolley bag hi le jaye. Jyada jewellery aur paise apne saath nahi rakhe.

Apne purse ko hamesha apne paas rakhe :- Paise ko hamesha kai jagaho par rakhe jaise aapki pant ka pichla pocket ya phir bag ka kinara. Agar aapke saath koi anhoni ghatati hain toh oos waqt aapko kisi se paise nahi mangne padenge. 

Apne saamaan ka dhyaan rakhe ;- Apne samaan ke paas rahe aur usay apni nazaro se door na jane de. Yeh India hain. Aapke namastey kahne se pahle hi aapka saamaan gayab ho sakta hain. Isliye aapko har waqt saavdhaan rahna chahiye.

Kisi vyakti se koi cheez udhaar na le :- Agar koi vyakti aapko kuch deta hain toh bilkul accept na kare. Agar koi aapko Biscuits ya Fruits deta hain toh politely usay mana kar de.

Akele na rahe ;- Jab aapko lagta hain ki aap kisi mard ke saath train ya bus mein akele pad gye hain toh aise area mein chale jaye jaha ladies jyada ho. Agar aap apne paas baithe aadmi ke saath uncomfortable feel kar rahi hain to apni seat change karwa le ya phir dusre musafiro se baat kar le.


Post a Comment

 
Top