Hinglishpedia

Ber ke fayde (Benefits of Indian Jujube, Berry)
Ber khane ke bahut hi fayde hote hain. Ber ko English mein Berry ya phir Jujube kaha jata hain. Ber bahut hi upyogi aur poshak tatvo se bharpoor phal hain. Ber ko jyadatar log bachpan mein bahut hi pasand karte hain, lekin bade hone par khattepan hone ki wajah se ise nahi khate hain. Saath hi ek sabse badi wajah yeh bhi hain ki log Ber ke guno se anjan hain.

Ber mein Carbohydrate 20-30 gram, Protein 2.5 gram, Fat 0.07 Gm, Thiamine 0.02 Mg., Riboflavin 0.03 Mg, Calcium 25.6 M.g., Iron 1.5-1.8 M.g., Phosphorus 26.8 M.g. poshak tatv paaye jate hain. Chaliye aaj jante hain Ber khane ke fayde ke baare mein. (Benefits of Indian berry/ Jujube in Hindi) :-

► Baalo ke liye faydemand :- Ber ki pattiyo mein 61 jaroori protein paaye jane saath Vitamin C, Carotenoids ke alawa B-Complex jyada matra mein paya jata hain. Yeh baalo ko ghana aur healthy banata hain.

Fefdo ke liye faydemand :- Ber ka juice khansi, fefdo se related preshaniyo aur bukhaar ke ilaj mein sahayak hain. Scientist ne isme 8 tarah ke flavonoids dhoondhe hain. Unke mutabik yeh dard ko door karne wala hota hain. Isme Anti-Oxidant aur Anti-Inflammatory gun bhi hain.

Pet dard ki problem door karta hain :- Ber ko chhacch ke saath lene se pet dard ki problem khatm ho jati hain.

Khansi aur bukhaar mein faydemand :- Ber mein Anti-Inflammatory gun hote hain, Iska juice peene se khansi aur bukhaar door ho jate hain.

Dil ki bimariyo ka khatra kam ho jata hain :- Ber khane se cholesterol kam ho jata hain. Jiski wajah se dil se related bimariya hone ka khatra kam ho jata hain.

Neend na aane ki problem door hoti hain :- Ber mein 18 tarah ke important Amino Acid mauzood hote hain, Jo body mein protein ko balance karte hain, saath hi neend na aane (Anindra) ki problem ko bhi door karte hain.

Body ki immunity ko badhata hain :- Ber mein Magnesium, Potassium, Phosphorus, Copper, Calcium aur Iron jaise minerals paaye jate hain. In tatvo se body ka immune system majboot banta hain. Jisse sharir ko rogo se ladne ki shakti mein ijafa hota hain.

► Vitamin C se bharpoor :- Santre aur Nimbu ki tarah Ber mein bharpoor matra mein Vitamin C paya jata hain. Isme dusre fruits ke compare jyada Vitamin C aur Anti-Oxidants ki matra hoti hain. Iske istemal se skin lambi umar tak jawan bani rahti hain. Santre aur Nimbu mein mauzood Vitamin C ka behatarin option hain Ber, Isme Vitamin C ki matra khatte phalo ke mukable 20 guna jyada hain.

Jakham jaldi bhar deta hain :- Ber ki pattiyo ko peeskar Tel ke saath lep bana kar lagane se ghaav jaldi bhar jata hain. Ber ka guda lagane se bhi jakham theek ho jata hain.

Tumor aur Cancer se bachaav ;- Medical researches ke mutabik Ber se Low blood pressure, Anemia, Liver aadi ki problems se rahat milti hain. Yeh sharir mein tumor ke cells ko paida nahi hone deta hain. Yeh skin ki dekhbhaal ke liye best option hain.

Wajan kam karne mein madadgaar :- Ber wajan kam karne ke liye bhi badhiya phal hain, Kyonki isme Fat bahut hi kam matra mein paya jata hain. Jiske sewan se aap apna wajan kam kar sakte hain.

Blood purifier ka kaam karta hain :- Ber ek natural blood purifier hain. Ise khane se khoon saaf hota hain. Jisse aapki skin par muhanse, phode-funsi aadi nahi hote hain.

Haddiya majboot kare :- Ber mein Calcium aur Iron bahut hi acchi matra mein paye jate hain, Jo haddiyo ko majboot banane mein bahut hi jyada kargar hote hain.

To dosto aaj aapne jana ki Ber (Indian Jujube, Berry) hamare liye kitna faydemand hota hain. Ber ke benefits janne ke baad aapka mann bhi Ber khane ko karega. Lekin Is Ber ka ek negative effect yeh hain ki agar aapko diabetes hain toh yeh phal aapko nahi khana chahiye, Kyonki isme Carbohydrate jyada paya jata hain, Jo blood sugar level ko badhane mein madad karta hain. Isliye diabetes patient ko Ber jyada nahi khana chahiye. Lekin aam logo ke liye Ber sach-much mein ek vardaan ki tarah hain.
loading...


 
Top