Early Age mein huye Safed baalo ko kala karne ke gharelu nuskhe (Home Remedies for White hair to Black)

baalo ko kala karne ke gharelu nuskhe.Aaj kal yuvaon mein sabse aam problem yeh dekhi ja rahi hain ki kam umar hone par bhi unke baal safed hote ja rahe hain. Kam umar mein baal safed hona aaj kal ek aam samsya ban gyi hain. Is problem ka sabse main reason Fast life culture mein baalo ki sahi dekh-bhaal na ho pana aur pollution aadi hain. Aise mein kam umar mein baalo mein aayi safedi ko chhupaane ke liye log baalo ko dye ya color karne lagte hain. Lekin kuch asaan gharelu nukho ko apna kar baalo ko kala kiya ja sakta hain. Hum aapko batane ja rahe kuch aise hi simple home remedies aur tips jisse aapke baal naturally black (kaale) ho jayenge. In tips aur nuskho ko ajma kar aap kam umar mein safed huye baalo ko phir se natural tarike se kala kar sakte hain.

  • Baalo mein Aloe Vera  Gel lagane se bhi baal girna band ho jata hain aur jaldi safed bhi nahi hote hain. 
  • Mehndi ko Nariyal tel mein mila kar paste bana le. Is paste ko baalo mein lagane se baalo ka rang attractive Dark-Brown hone lagta hain. 
  • Nariyal Tel mein Meethe Neem ki pattiyo ko itna ubaale ki pattiya kali ho jaye. Is tel ko halke haatho se baalo ki jado par lagaye. Baal ghane aur Kale ho jayenge. 
  • Gaay ke doodh ka makkhan lekar haatho se baalo ki jado mein lagaye. Jald hi fayda dikhne lagega. 
  • Nimbu ka ras aur Nariyal tel milakar scalp par niyamit roop se lagane par baal kaale hote hain. 
  • Amla powder mein Nimbu ka ras mila kar ya taze hare Amle ko peeskar seer mein lagane se baal thick aur black ho jate hain. 
  • Ek cup Chaai ka paani ubaalkar usme 1 chammach Namak milaye. Is mishran ko baal dhone se 1 ghanta  pahle baalo mein lagaye. Baal kaale hone lagenge. 
  • Rojana Khali pet Amle ka Juice piye. Baal lambi umar tak Kaale rahenge. 
  • Aam ki guthali aur Amle ko peeskar usay Seer mein lagane se safed baal kaale ho jayenge. 
  • Aap ne apne buzurgo ko seer par Desi Ghee se malish karte huye dekha hoga. Ghee se seer ki tavcha ko poshan milta hain. Daily Ghee se seer ki malish karke bhi baalo ke safed hone ki samsya se chhutkara milta hain. 
  • Seer dhone ke liye Shikakai powder ya Mild Shampoo ka istemal kare. 
  • Rojana subah thodi matra mein Amla juice lene se bhi Baal kaale hote hain. 
  • Baalo mein Neem ka Tel ya Rosemary ka Tel lagane se baal safed nahi hote hain. 
  • Nariyal ke tel mein Amle ko itna ubaale ki veh kala ho jaye. Is mishran ko thanda karke raat ko sone se pahle baalo mein laga le aur phir subah uthkar baalo ko dhoye. 
  • Baal dhone ke liye Nimbu paani ka istemal kare. Isse baal naturally brown hone lagte hain aur safed nahi hote hain. 
  • Kam umar mein Baal safed hone par 1 Gram Kali Mirch mein thoda sa Dahi mila kar Seer par lagane se bhi fayda hota hain. 
  • Pyaaz ka ras nikaal kar usay baalo ki jado mein halke haatho se lagaye, baal ghane aur kaale ho jayenge. 
  • Til ka Tel baalo ke liye bahut hi accha hota hain. Saath hi ise khane se bhi bahut fayda milta hain. Agar aap apne khane mein Til ko shamil karte hain, toh isse aapke baal lambe samay tak ghane aur kaale bane rah sakte hain. 
  • Amla Juice, Badam Tel aur Nimbu ka ras mila kar baalo ki jado mein lagaye, Baalo mein chamak aayegi aur veh safed bhi nahi honge. 
  • Adrak ko pees kar usme thoda Shahad mila kar paste banaye aur apne seer par lagaye. Is upaay ko apnane se safed baal phir se kaale hone lagte hain. 
  • Turai ko kaat kar Nariyal tel mein ubaale, jab tak Turai kaali na ho jaye, Tab usay chhankar kisi bottle mein bhar le. Rojana is tel ko baalo mein lagaye. Dheere-dheere baal kaale hone lagenge. 
  • 200 Gram Amla, 200 Gram Bhangra, 200 Gram Mishri, 200 Gram Kaale Til in sabhi ka churan bana kar rojana 10 gram ki matra mein lene se kam umar mein safed huye baal phir se kaale hone lagte hain. 
  • Baalo mein rojana Sarso ka tel lagane se baal hamesha kaale rahenge. 
  • 2 Chammach Heena powder, 1 Chammach Dahi, 1 Chammach Methi, 3 Chammach Coffee, 2 Chammach Tulsi powder, 3 Chammach Pudina paste mila kar baalo mein lagaye. 3 Ghante baad shampoo kare. Kam umar mein safed huye baal phir kaale ho jayenge. 
  • Sookhe Amle ko paani mein bhigo kar uska paste bana le. Is paste mein 1 Chammach Nilgiri ka tel milaye. Mishran ko ek raat ke liye lohe ke bartan mein rakhe. Subah isme Dahi, Nimbu ka ras aur Egg mila kar baalo par lagaye. Baalo mein nayi jaan aa jayegi. 15 Dino tak yeh nuskha istemal karne se safed baal kaale hone lagte hain.

You May also like :-