Hinglishpedia

0
Dandruff khatm karne ke asaan tarike.
Dandruff ka samna lagbhag har mausam mein karna padta hain. Us waqt sharminda hona padta hain jab safed papdi peeth ya kandho par saaf dikhai dene lagti hain. Dandruff ke kai bure prabhav hain, Jaise Maathe ke neeche ya gardan ke paas pimples aadi. Kuch asaan tariko aur nuskho se dandruff se rahat mil sakti hain. Aaiye jante hain Dandruff door karne ke asaan gharelu nuskhe :-

Aloe Vera :- Oily Scalp ke liye Aloe Vera accha solution hain. Aloe Vera Gel scalp par lagaye. Iska Anti-Bacterial Property scalp ke fungus ko khatm kar dega.

Besan :- 2 Chammach Besan mein aadha cup Dahi milaye aur apne baalo par laga le. 20 Minutes ke baad ise gungune paani se acche se dho le.

Dahi :- Dead skin layer ke jama hone ke karan dandruff hota hain. Aise mein Dahi apne Anti-Fungal gun ke karan scalp ki scaling se bachata hain. Ek cup Dahi mein chutaki bhar Kali Mirch powder acchi tarah se mila le. Ise apne scalp aur baalo par lagaye aur 30 Minutes baad ise dho le.

Nimbu :- Nimbu ke ras ko katori mein nikale aur shahad milaye. Ap ise scalp par lagaye. Nimbu mein mauzood Citric Acid dandruff ko khatm karta hain. Vahi, Shahad baalo ko moisturize karne ka kaam karta hain.

Tamatar :- Yeh oily baalo ke liye accha option hain. Paka hua Tamatar le. Iske beej nikaal de aur ise mash karke guda bana le. Isme 1 chammach Multani Mitti milaye. Dhyaan rakhe ki Tamatar ka ras puri tarah se gire nahi. Is pack ko lagaye aur scalp ki massage kare. Yeh blood circulation ko theek kar dandruff ko khatm karta hain. Iske sookhne ke baad thande paani se seer ko dho lijiye.

Oil :- Scalp dry hain aur dandruff ki bhi problem hain toh Hot Oil, Extra virgin Olive Oil ya Coconut Oil lagaye. Yeh scalp ko moisturize karta hain aur dead skin ko bhi nikaal deta hain. Ise aap hafte mein 2 baar jaroor lagaye. 

Methi ke daane :- Puri raat Methi ke daano ko bhigo kar rakhe aur iska paste bana kar scalp par lagaye. 45 Minutes baad shampoo se dho le.


Post a Comment

 
Top