Hinglishpedia

Pathri se bachne ke tips/UpayIndia mein bahut saare logo ko Pathri (Kidney Stone) ki bimari hoti hain. Iska sabse bada karan hain garmi. Garmi aate hi Pathri ki bimari ke mamle 40% tak badh jate hain. Sharir mein paani ki kami, Temperature, Dehydration yeh sabhi Pathri ki problem ko badhate hain. Bharat mein 50 se 70 Lakh log Pathri ki bimari se peedit hain aur har 1000 mein se 1 vyakti ko Pathri (Stone) ki bimari ki wajah se hospital mein admit hona padta hain. Aaiye hum aapko batate hain ki Garmiyo mein Pathri se kaise bache (Tips for Avoid Kidney Stone In Hindi, Gurde ki Pathari se bache, Pathri se bachne ke tips aur upay)

1) Bharpoor paani piye :- Garmi mein Pathri se bachne ke liye Jyada paani peena chahiye. Agar aap har 2 ghante mein washroom nahi jate hain to iska matlab aap jyada paani nahi pee rahe hain.

2) Soda se banaye doori :- Jin padartho mein Oxalate ki matra jyada hoti unse doori banaye. Inme Peene wala soda, Ice Tea, Chocolate, Rubab (Ek tarah ka phal), Strawberries aur Nuts shamil hain.

3) Sahi matra mein protein :- Non-Veg jaise Meat, Eggs aur Fish jaise protein wale food kam khaye. Yeh  Urine mein Uric Acid ko badha dete hain, Jo Pathri hone ki khas wajah hain.

4) Caffeine :- Chaay ya Coffee jaise liquids se door rahe. Agar aap sochte hain ki aap in drinks ko peekar jyada liquid le rahe hain to aap galat hain, Kyonki Caffeine ke karan Dehydration ho jata hain.

5) Nimbu Paani :- Garmi mein jyada se jyada Nimbu Paani piye. Nimbu ka sharbat peene se pathari hone ki sambhavna kafi kam ho jati hain. Saath hi pet ki garmi bhi kam hoti hain. Yeh kafi faydemand hota hain.

6) Doctor se salah :- Apne doctor se salah lijiye. Oon medicines ke baare mein puchhiye jo aapko pathari se bachane ke liye jaroori ho. Inme veh dawaayian aati hain jo Urine mein Acid, Alkali aur Sistine ko control karti hain.

7) Namak kam khaye :- Garmi mein pathari se bachne ke liye namak kam khaye. Ise rojana ki aadat mein shamil kare aur Namak kam khane ki aadat dale, Kyonki yeh Pathari ke liye nuksaandeh hota hain.
loading...


 
Top