Hinglishpedia

Juices & liquid for healthy brainDimaag ko tez karne wale Liquid aur Juice (Increase Brain Power with Liquids & juices), Kya aap jante hain inke baare mein. Kitna accha hota agar aap Super-market mein ghoomte-ghoomte "Dimaag tez kare", "Strong bane", "Jawan Dikhe", "Wajan Kam kare", aur "Mood badle" jaise labels wale juices aur liquids ko paa sakte hain. Hakikat mein Life inti easy nahi hain, Aur aapke wajan ko kam karne wale aur Strong banane wale juice Sugar se bhare huye hote hain jo aapki health ke liye acche nahi hote hain. Is article mein hum kuch aise liquids aur juices ke baare mein bata rahe hain jo hakikat mein Dimaag ko tez banate hain. 

In juices se aapke brain ki sharpness badhegi. Yeh kisi special company dwara banay gya koi special juice nahi hain, Balki aap apne gharelu cheezo aur aam juice ki dukaano par milne wale niche bataye gye juice ya liquid ka pryog karke apne dimaag ko tez bana sakte hain.

Sugar se bhare juice kewal aapke aapke dil aur weight ke liye hi nuksaandeh nahi hain, balki yeh aapke dimaag ke liye bhi nuksaandeh hain aur aapki yaddasht aur concentration mein bhi rukaavat paida karte hain. Banaavati Sweetener aur color se bhare juice brain ke liye hanikarak hain. Researches ne yeh Padarth Mutagenic aur  Cancer paida karne wale products ke roop mein ghoshit kiya hain. Isliye aap apne dimaag ko tez banane ke liye apne smartphone par koi 'Brain Game" khele ya purane jamane ke logo ki tarah paheliya ka khel khele, aur apni buddhi ko badhane ke liye yeh liquid ya juice ko piye.

1. Dark Chocolate Cocoa :- Cocoa mein mauzood Flavonoids Blood vessels ko shant karke blood pressure ko control karte hain, jisse yeh samay ke saath-saath dimaag mein hone wale negative asar ko bhi kam karte hain. Rojana ek cup hot chocolate ka sewan stroke ke khatre ko kam karti hain aur aapke dimaag ko tez banane mein help karta hain.

2. Dalchini aur Haldi wali chaaye ;- Dalchini mein proantosianidin aur Cinnamaldehyde naam ke 2 compounds hote hain, Yeh dimaag mein Tau Protein ko badhne se rokte hain, Jise pagal-pan mein plaques ke production ka karan mana jata hain. 

3. Berries ka juice :- Jamun aur Blue-Berry ke juice peene se aapke dimaag ki activity badh jati hain, Yeh dono berries aapke dimaagi balance ko sahi rakhte hain, Iske sewan se aapki yadadasht badhti hain. 

4. Anar ka juice :- Is anokhe phal mein aapki yaddasht aur feelings ko sudharne wale anuthe anti-oxidants hote hain. Rojana ek glass Anar ka juice peene se aap apne dimaag ko tez bana sakte hain. 

5. Red Wine :- Researches se yeh pata chala hain ki Red Wine aur Chocolate mein mauzood Polyphenol dimaag mein Blood ke flow ko badhata hain (Isliye dono ka sewan kare) aur yeh dimaagi shakti ko badhata hain. Wine mein mauzood Resveratrol mentally health ko banaye rakhta hain, Lekin yaad rahe Red Wine ka upyog aap ek limit mein rah kar kare. 

6. Normal Sharab ka sewan :- Researches se yeh pata chala hain ki Vodka, Beer ya Wine jaise drinks brain ke Cortical Functions ko badha dete hain, Jisse aapki creativity mein sudhaar hota hain, Lekin aapka B.A.C. 0.07 se jyada nahi hona chahiye, Kyonki kisi bhi cheez ka jyada sewan hame fayda pahuchane ki jagah nuksaan pahucha sakta hain, Isliye khud par control rakhe, aur aisi cheezo ko ek normal limit mein hi upyog kare. 

7. Nariyal Paani aur Nariyal ka doodh :- Nariyal paani mein sabhi aise tatv mauzood hain jo aapke dimaag ke health ke liye bahut hi jaroori hain. Nariyal paani aur iska doodh peene se Alzheimer (Bhoolne ki bimari) ko pahle hi step mein roka ja sakta hain. Re-hydration ke alawa, Isme mauzood electrolytes, Vitamin aur Minerals dimaag mein khoon ke bahaav ko sudhaarte hain. 

8. Chukandar, Gajar aur Seb ka juice :- Chukandar ka sewan dimaag mein Nitric Oxide ke production ko badhata hain, Jo ki blood flow ko sudharta hain. Gajar mein mauzood Beta- Carotene kewal aankho ke liye nahi balki brain ke liye bhi faydemand hain. Apple Juice aapke brain ko tez banane mein madadgar hain. 

9. Tea :- Apne taste ke anusaar Black Tea ya Green Tea ko aap piye. Chaay ko peena aapke dimaag ko tez banane ka ek asaan tarika hain. Green Tea to aapke dimaag ke liye bahut hi jyada faydemand hain kyonki isme paya jane wala EGCG dimaag ko tez banate huye dimaag ke cells ke production ko bhi badhata hain. Chaaye mein bharpoor matra mein Anti-Oxidants hote hain aur har roj Black tea ko peene se Reaction time mein sudhaar nazar aane lagta hain. 

10. Paani :- Is fact se to hum sabhi vakif hain ki hamare sharir mein 70% paani hota hain, Hame paani ki jaroorat apne sharir se zehreele padartho ko bahar nikalne, Skin ko jawan aur hydrate rakhne ke liye to hoti hi hain. Paani hamare dimaag ki behtar kaam karne ki shakti ke liye oxygen bhi deta hain. Isliye jab bhi aapke sharir mein paani ki kami hoti hain to aapka dimaag sahi tarah soch nahi pata hain aur aap seerdard aadi ke bhi kabhi-kabhi shikaar ho jate hain, Is tarah dimaag sanket bhejta hain ki usay paani ki jaroorat hain. Yani ki Sahi matra mein paani peena bhi Dimaag ko tez banane ke liye bahut hi jaroori hain.   


loading...
 
Top