Hinglishpedia

1
Dengue se bachne ke upay Life mein aisi bahut si cheeze hain jiske baare mein aap chahte hain hi aapke saath vah na ho, Dengue Bukhaar (Fever) unme se ek hain. Yeh bimari insaan ke sharir ke immune system mein itni tezi ke saath daakhil hota hain ki sharir toot sa jata hain. 

Dengue ek virus se hone wali bimari hain. Is virus ka infection Aedes naam ke machhar ke kaatne se hota hain. Khas baat yeh hi Dengue phailane wale mosquitoes gande paani ki jagah saaf paani mein paida hote hain. Isliye baarish mein gamlo, coolers, tyres aadi mein ikattha huye paani mein yeh macchar jyada paya jata hain. 

Ise haddi todne wali bimari kaha jaye to bhi koi hairaani wali baat nahi hogi. Isliye hum aapko aaj batane ja rahe hain Dengue se bachne ke kuch tips :- 

1. Bimari se bachne ke liye puri taiyaari rakhe ;- Aap isse bachne ke liye Puri baazoo wali shirt aur pant pahan sakte hain aur sote samay chaddar jaroor odhe. Iske alawa machchharo ko door rakhne wali cream ya lotion lagaye. Maccharo ko ghar mein ghoosne se rokne ke liye ghar ke alag-alag hisso mein macchar marne wali dawa ka chhidkaav kare aur mosquito net lagaye. 

2. Chemical ka istemal :- Ghar ke aas-paas DTT powder ya Bleaching powder ka chhidakne se dengue phailane wale macchar khatm ho jate hain aur aap dengue se bache rah sakte hain. 

3. Macchar wali jagaho par jane se bache ;- Dengue ki lapravaahi se bache aur aisi jagaho par jane se bache jaha jhadhiya aur ghas jyada ho jaise ki garden, park aadi. Apne aas-paas aisi jagaho ki jankari rakhe jaha macchar jyada paida hote ho, Aisi jagaho par jane se bache. 

4. Ghar mein har saamaan ko dhak kar rakhe :- Is process ke tahat aap apne ghar ke har saman ko dhak kar rakhe, chahe veh khane ka bartan ho ya paani ka. Bimari phailane wale macchar khuli cheezo ko nishana banate hain, Khula khane ka saman inme se ek hain. 

5. Apne aas-paas safai aur sukha rakhe :- Dengue ke khatre se bachne ke liye yeh salah di jati hain ki apne aas-paas safaai aur sukha rakhe. Jyada matra mein paani jama na hone de. Dengue ke macchar is jame huye paani mein apna ghar banate hain. Isliye dhyaan rakhe ki ghar ke aas-paas paani kanhi bhi jama na ho. Yeh dhayaan rakhna chahiye ki ghar ke aas-padosh mein khuli jagah ho aur suraj ki roshini pade jisse paani sookh jaye. 

6. Saaf safai karte rahe :- Yeh sabse jaroori hain ki aap samay-samay par Paani ke tank, Cooler aur washbasin aadi ki safaai karte rahe, kyonki isse maccharo ke paida hone se  rokne mein madad milegi. Maccharo se chhutkara pane ke liye aap aisi safaai hafte mein ek baar kar sakte hain. 

7. Darwajo par parde lagaye :- Ghar ke main door par parde lagaye, ghar ki khidkiyo mein bhi isi tarah se parde lagaye. Dengue se bachne ke liye aap Bed ke paas macchardaani ka upyog kare. Macchardaani laga kar soye. 

Dengue se bachne ke upay jyada mushkil nahi hain. Is tarah ki janlewa bimari se bachne ke liye in tips ko apni zindagi mein istemal kare aur yeh aapke aur aapke apno ki safety ke liye bahut accha rahega. Aap dengue ke khatre se alert rahe aur isse bachne ke liye in upaayo ko apnanaye.


Post a Comment

 
Top