Hinglishpedia

Daanto ke peelepan se chhutkara paane ke liye nuskheDaanto ka peelapan aapki personality par bahut hi jyada negative asar dalta hain. Daanto ka peelapan ya teeth ka yellow hona na sirf aapki personality par asar dalta hain, balki aapke confidence level ko bhi gira deta hain, Jiski wajah se aap kisi dusre aadmi se khul kar baat nahi kar paate hain, ya phir apne dosto se bhi hasi-majak nahi kar paate hain, Yahan tak ki aap apni selfie aadi lene se bhi bachte dikhaai dete hain. . Motiyo jaise Safed, Chamkdaar daant aapki beauty aur personality mein char chand laga dete hain. Din mein 2 baar brush karna aur sahi saaf-safaai se daant motiyo jaise chamakdaar aur majboot bane rahte hain.

Gutakha, Paan, Tobacco, Cigarette, Sharab aadi daanto ko chamak ko khatm kar dete hain aur inki jade bhi kamjor kar dete hain. Yadi aap bhi daanto ke peelepan se preshan hain aur apne daant ko safed (Teeth ko white) kaise kare aur iske gharelu nuskhe ke  baare mein janana chahte hain to yeh post jaroor padhe.

In niche likhe gye tips aur nuskho ko follow kare aur apne daanto ka peelapan door karke apne daatno ko safed banaye :-

1. Santre ki chhilke aur Tulasi ke patto ko sookha kar powder bana le. Brush karne ke baad is powder se daanto par halka massage kare. Santre mein mauzood Vitamin C aur Calcium ke karan daant moti jaise chamakne lagenge.

2. Ek Nimbu ka ras nikaal kar usme utni hi matra mein paani milaye. Khana khane ke baad is paani se kulla kare. Yeh upaay roj karne se daanto ka peelapan door ho jata hain aur saans ki badboo bhi door hoti hain.

3. Namak se daant saaf karne ka nuskha bahut purana hain. Namak mein 2-3 boond Sarso ka tel mila kar daant saaf karne se peelapan door ho jata hain aur daant chamakne lagte hain.

4. Baking Soda Peele Daanto ko safed banane ka sabse accha gharelu tarika hain. Brush karne ke baad thoda sa baking soda lekar daant saaf kare. Isse daanto par jami peeli parat dheere-dheere saaf ho jati hain. Baking Soda aur thoda sa Namak toothpaste mein mila kar saaf karne se daant saaf ho jate hain.

5. Rojana Gajar khane se bhi teeth white bante hain. Darasal, khana khane ke baad Gajar khane se isme mauzood reshe daanto ki acchi tarah se safaai kar dete hain.

6. Strawberry teeth ko chamakdaar banane ka sabse tasty tarika hain. Strawberry mein paya jane wala Malic Acid daanto ko safed aur chamakdaar banata hain. Pahle Strawberry ko pees le. Iske pulp mein thoda sa Baking Soda milaye. Brush karne ke baad is mishran ko ungli se daanto par lagaye. Kuch dino tak yeh upaay niyamit roop se  karne se aapke daant chamakane lagenge.

7. Neem ka upyog purane jamane se chala aa raha hain. Neem ka istemal daant saaf karne ke liye hamesha se kiya jata raha hain. Neem mein daant ko safed karne aur Bacteria ko khatm karne wale gun paye jate hain. Yeh ek natural Anti-Septic aur Anti-Bacterial hain. Rojana Neem ke Daatoon se daant saaf karne se daanto mein koi bimari nahi hoti hain aur Peelapan bhi khatm ho jata hain.

8. Tulsi mein daanto ka peelapan door karne ki power hoti hain. Saath hi Tulsi mooh aur daant ke  rogo se bachati hain. Tulsi ke patto ko dhoop mein sukha le. Iske powder ko toothpaste mein mila kar brush karne se daant chamakne lagte hain.  
loading...


 
Top