Hinglishpedia

1
band naak ko kholne ki tipsKai logo ki naak hamesha band rahti hain. Iske kai reason ho sakte hain jaise jukaam, allergy, flu ya Sinus bhi ho sakta hain. Jab koi person sardi se preshan rahta hain to uski preshani aur bhi badh jati hain , jab naak ki nali band ho jati hain. To aise yeh hoga ki jis cheez se preshani hain usay hi nikaal kar bahar fenk dena chahiye, Example ke taur par Allergy, Jisme naak bahut jyada bulgum paida karti hain.

Sinus ka maarg jab rook jata hain yani ki bulgum nikalne ka marg rukta hain to Sinusitis naam ki bimari hone ka khatra saamne aane lagta hain. Agar aap band naak se preshan hain aur saans lene mein preshani ho rahi hain, to pareshan na ho kyonki hamare ghar mein kai aise nuskhe chhupe hain, jiski aor hamara dhyaan nahi jata. Aaiye jante hain Band naak ko kholne ke gharelu nuske aur upay ke baare mein :-

Band naak in gharelu upay se yun khole :- 

Pyaaz :- Pyaaz ko lekar uske chhote-chhote tukde kare. Isse aapki aankho mein paani aayega hi saath mein aapki naak bhi bahne lagegi. Iske alawa Kacche pyaaz ko khane se bhi band naak khul jati hain.

Garam paani se nahaye :- Jab bhi aapko lage ki aapki naak band ho gyi hain ya Sinus ka attack ho gya hain, to turant garam paani se naha lijiye. Garam paani aapki band naak ko turant khol dega aur aapko aaram milega.

Hot Tomato Juice :- Aap ghar par hi tamatar juice bana sakte hain. Ek cup Tamatar ke ras ko kati lahsun, 1 chammach Nimbu Ras, Aadha chammach Hot sauce aur Halka sa namak milayiye aur pee jayiye. Din mein 2 baar peene se rahat milti hain.

Garam Chai (Hot Tea) :- Band naak kholne ke liye khoob saari garam chai pijiye. Kabhi-kabhi yeh hot liquid aapki band naak ko khol deti hain aur preshani se rahat dilati hain. Chaai ke roop mei aap Green Tea, Peppermint aur Adrak wali chai pee sakte hain.

Steam lijiye :- Apne ghar ke Fans ko band kar dijiye aur Ek bartan mein garam paani kijiye aur upar se tauliya odh kar bhaap lijiye. Agar doctor ne koi dawaa batayi hain to, Usay paani mein dalkar bhaap lijiye. Aap isme 3 chammach Sirka bhi daal sakte hain.

Paani aur Namak :- 2 Cup paani lijiye aur usme 1 chammach Namak daal kar mix kijiye. Ab is paani ko apni naak se pass karwaye. Isse aapki naak khool jayegi.

Teekha aur Masaledar khana khaye :- Masaledar khana khane se aapki naak turant khul jati hain aur naak bahna shuru ho jati hain. Apne khane mein khub saari mirch daale aur khaye.


Post a Comment

 
Top